سونداي-اق، «قازترانسگاز ايماق» اق كۇيگەنجار، ميچۋرينو، ينتەرناسيونالنىي ەلدى مەكەندەرىندە گازبەن جابدىقتاۋ جەلىلەرىنىڭ قۇرىلىىن جۇرگىزۋدە – جىل سوڭىنا دەيىن گازبەن قامتاماسىز ەتۋ جوسپارلانۋدا. «قازاقاۋىل» (قاراوتكەل) شاعىن اۋدانى بويىنشا جوبالاۋ-سمەتالىق قۇجاتتاما ازىرلەنۋدە. قالانى تولىق گازداندىرۋ 2023 جىلى اياقتالادى.
تۇرعىن ءۇي الاپتارىنىڭ تۇرعىندارى ءۇيدى گازعا اۋىستىرۋدىڭ ارتىقشىلىقتارى تۋرالى ايتتى. زامانبەك الكەي ۇلى وتكەن جىلى كوكتال-2 ەلدى مەكەنىنە كوشىپ كەلىپ، بىردەن ءۇيدى پەشپەن جىلىتۋدان گازعا كوشىرۋدى ۇيعارعان.
– ءبىز وتكەن جىلى جەلتوقساندا كوشىپ كەلدىك. سودان بەرى گازدى قولدانامىز. بۇل وتە ىڭعايلى، اسىرەسە ءبىز ءۇشىن – اعا بۋىن ادامدار. ءبىزدىڭ وتباسىمىز، بالالارىمىز ءۇشىن دە ەكولوگيالىق تازا. دەنساۋلىققا پايدالى. بارلىقتارىڭىزدى گازعا اۋىسۋعا شاقىرامىن. اۋا تازا بولادى، – دەدى زامانبەك الكەي ۇلى.
– مەن بالاباقشادا تاربيەشى بولىپ جۇمىس ىستەيمىن. مەن ءوزىم سول اۋداندا، جەكە ۇيدە تۇرامىن. وتكەن جىلدىڭ جەلتوقسانىنان باستاپ ءبىز گاز جۇرگىزدىك. بىزگە وتە ۇنايدى. جىلى، وتە ىڭعايلى. ەندى ءبىزدىڭ بالاباقشانى دا گازعا كوشىرۋ جوسپارلانۋدا. بۇل ءبارىمىز ءۇشىن قۋانىشتى وقيعا، – دەدى ايسۇلۋ اۋساروۆا.
– ءۇيىمىز جىلى، تازا بولۋ ءۇشىن بىزگە گاز قۇبىرىن جۇرگىزەدى. بىزگە كەز-كەلگەن جاعدايدا كومەكتەسەدى، ءتىپتى قۇجاتتارعا بايلانىستى ماسەلە بولسا دا كومەكتەسىپ، كەڭەس بەرەدى. سىزگە كەز كەلگەن ۋاقىتتا كراندى قوسۋعا بولادى، سوندا ءسىزدىڭ ءۇيىڭىز جىلى، قۇرعاق جانە تازا بولادى، – دەدى سۆەتلانا سۆوبودا.
گازداندىرۋ — ەلباسىنىڭ اۋقىمدى جوباسى. جوبا قالا تۇرعىندارىنىڭ ءومىر ءسۇرۋ ساپاسىن ارتتىرىپ، قالا ەكولوگياسىن ايتارلىقتاي جاقسارتۋعا مۇمكىندىك بەرەدى. قالانى گازداندىرۋ ماسەلەسى مەملەكەت باسشىسىنىڭ باقىلاۋىندا.
