«Jyly, óte yńǵaily». Elorda turǵyndary gazdyń igiligi jaiynda aitty
Sondai-aq, «QazTransGaz Aimaq» AQ Kúigenjar, Michýrino, Internatsionalnyi eldi mekenderinde gazben jabdyqtaý jelileriniń qurylyyn júrgizýde – jyl sońyna deiin gazben qamtamasyz etý josparlanýda. «Qazaqaýyl» (Qaraótkel) shaǵyn aýdany boiynsha jobalaý-smetalyq qujattama ázirlenýde. Qalany tolyq gazdandyrý 2023 jyly aiaqtalady.
Turǵyn úi alaptarynyń turǵyndary úidi gazǵa aýystyrýdyń artyqshylyqtary týraly aitty. Zamanbek Álkeiuly ótken jyly Kóktal-2 eldi mekenine kóship kelip, birden úidi peshpen jylytýdan gazǵa kóshirýdi uiǵarǵan.
– Biz ótken jyly jeltoqsanda kóship keldik. Sodan beri gazdy qoldanamyz. Bul óte yńǵaily, ásirese biz úshin – aǵa býyn adamdar. Bizdiń otbasymyz, balalarymyz úshin de ekologiialyq taza. Densaýlyqqa paidaly. Barlyqtaryńyzdy gazǵa aýysýǵa shaqyramyn. Aýa taza bolady, – dedi Zamanbek Álkeiuly.
– Men balabaqshada tárbieshi bolyp jumys isteimin. Men ózim sol aýdanda, jeke úide turamyn. Ótken jyldyń jeltoqsanynan bastap biz gaz júrgizdik. Bizge óte unaidy. Jyly, óte yńǵaily. Endi bizdiń balabaqshany da gazǵa kóshirý josparlanýda. Bul bárimiz úshin qýanyshty oqiǵa, – dedi Aisulý Aýsarova.
– Úiimiz jyly, taza bolý úshin bizge gaz qubyryn júrgizedi. Bizge kez-kelgen jaǵdaida kómektesedi, tipti qujattarǵa bailanysty másele bolsa da kómektesip, keńes beredi. Sizge kez kelgen ýaqytta krandy qosýǵa bolady, sonda sizdiń úiińiz jyly, qurǵaq jáne taza bolady, – dedi Svetlana Svoboda.
Gazdandyrý — Elbasynyń aýqymdy jobasy. Joba qala turǵyndarynyń ómir súrý sapasyn arttyryp, qala ekologiiasyn aitarlyqtai jaqsartýǵa múmkindik beredi. Qalany gazdandyrý máselesi memleket basshysynyń baqylaýynda.
