– اتموسفەراداعى شىعارىندىلار دەڭگەيىن ازايتۋ ءۇشىن ەلدى مەكەندەردى گازداندىرۋ جانە جىلۋ كوزدەرىن گازبەن جىلىتۋعا اۋىستىرۋ جۇمىستارى جالعاسىپ جاتىر. وتكەن جىلى ءبىز وبلىس حالقىنىڭ 59%ء-ىنىڭ، ياعني 1،2 ملن ادامنىڭ گازعا قول جەتكىزۋىن قامتاماسىز ەتتىك. بيىل تاعى 13 ەلدى مەكەندى قوسۋ ارقىلى بۇل كورسەتكىشتى 61 پروسەنتكە جەتكىزەمىز، – دەدى ءوز سوزىندە اماندىق باتالوۆ.
سپيكەردىڭ ايتۋىنشا، وتكەن جىلى تالدىقورعان جانە قاپشاعاي قالالارىندا ءۇش قازاندىق گازعا اۋىستىرىلعان، بيىل تالدىقورعان قالاسى مەن ەسكەلدى اۋدانىندا تاعى ۇشەۋى اۋىستىرىلىپ جاتىر. مەملەكەتتىك-جەكەمەنشىك ارىپتەستىك اياسىندا 101 كوپپاتەرلى تۇرعىن ءۇي ءۇشىن 31 بلوكتى-مودۋلدى قازاندىقتار ورناتىلۋدا، بۇل جۇمىس كەلەسى جىلى تولىعىمەن اياقتالادى.
بۇل رەتتە تالدىقورعان قالاسىنىڭ ەكولوگياسىن جاقسارتۋ ءۇشىن جەرگىلىكتى بيۋدجەتتەن گازبەن جۇرەتىن 55 جاڭا اۆتوبۋس ساتىپ الىنىپ، قالا مارشرۋتتارىنا شىعارىلعانىن ايتا كەتكەن ءجون. وعان 2،3 ملرد تەڭگە ءبولىندى.
