پرەمەر-مينيستر ولجاس بەكتەنوۆ ەل ەكونوميكاسىن دامىتۋ مەسەلەسٸ جٶنٸندە جۇمىس كەڭەسٸن ٶتكٸزدٸ. ٶنەركەسٸپتٸڭ ٶسۋٸن قامتاماسىز ەتۋ شارالارىنا نازار اۋدارىلدى, دەپ حابارلايدى Dalanews.kz ٷكٸمەتتٸڭ باسپاسٶز قىزمەتٸنە سٸلتەمە جاساپ.
ٶنەركەسٸپ جەنە قۇرىلىس مينيسترٸ ەرسايىن ناعاسپاەۆ مەملەكەت باسشىسىنىڭ ٶندٸرٸس كٶلەمٸن ۇلعايتۋ مەن ٶسۋ ٷردٸسٸن بەكٸتۋ بويىنشا تاپسىرمالارىن ورىنداۋ اياسىندا اتقارىلىپ جاتقان جۇمىستار تۋرالى باياندادى.
بيىلعى قاڭتار-ناۋرىز ايلارىندا ٶڭدەۋ ٶنەركەسٸبٸندە تۇراقتى وڭ سەرپٸن 8,7% دەڭگەيٸندە ساقتالىپ وتىر. نەگٸزگٸ ٶسٸم ماشينا جاساۋ (17,7%), تاماق ٶندٸرٸسٸ (13,2%), ماشينالار مەن جابدىقتاردى قوسپاعاندا, دايىن مەتالل بۇيىمدارى (28,7%) سالالارىنداعى كٶرسەتكٸشتەردٸڭ ٶسۋٸ ارقاسىندا قامتاماسىز ەتٸلگەن. سونىمەن قاتار تاۋ-كەن ٶنەركەسٸبٸندە ٶسٸم (6,1%) بايقالدى.
قۇرىلىس سالاسىندا توقساندىق قورىتىندى نەگٸزٸندە ٶسۋ كٶرسەتكٸشٸ 16,9%-عا جەتتٸ. مەكتەپتەر, اۆتوكٶلٸك جولدارى, تەمٸرجول جەلٸلەرٸ, ينجەنەرلٸك ينفراقۇرىلىم قۇرىلىسى بويىنشا جۇمىس كٶلەمٸنٸڭ ارتۋى تۋرالى باياندالدى.
پرەمەر-مينيستر وتاندىق ٶندٸرٸستەرمەن, ونىڭ ٸشٸندە ەنەرگەتيكالىق جەنە كوممۋنالدىق سەكتورلاردى جاڭعىرتۋ جٶنٸندەگٸ ۇلتتىق جوبانى جٷزەگە اسىرۋ شەڭبەرٸندە ٶزارا ٸس-قيمىلدى ارتتىرۋ بويىنشا بٸرقاتار تاپسىرما بەردٸ.
قر ستراتەگييالىق جوسپارلاۋ جەنە رەفورمالار اگەنتتٸگٸ ۇلتتىق ستاتيستيكا بيۋروسىنىڭ الدىن الا دەرەكتەرٸ بويىنشا, بيىلعى قاڭتار-ناۋرىز ايلارىندا جٸٶ ٶتكەن جىلدىڭ سەيكەس كەزەڭٸمەن سالىستىرعاندا 5,8%-دى قۇرادى. ناقتى كٶلەم يندەكسٸ كٶلٸك سالاسىندا – 21%-دى, قۇرىلىستا – 16,9%-دى, ٶنەركەسٸپتە – 6,6%-دى, ساۋدادا – 6,3%-دى قۇرايدى.
