جىل باسىنان قازاقستانعا كەلگەن قانداستاردىڭ جارتىسى (53,6%) ٶزبەكستاننان, 19,6% – قىتايدان, 10,9% – موڭعولييادان, 7,8% – رەسەيدەن, 5,9% – تٷرٸكمەنستاننان جەنە 2,2% باسقا ەلدەردەن.
وسى جىلعى 1 قىركٷيەكتەگٸ جاعداي بويىنشا ەڭبەككە قابٸلەتتٸ جاستاعى ەتنيكالىق قونىس اۋدارۋشىلار سانى 61,4%-دى, ەڭبەككە قابٸلەتتٸ جاستان كٸشٸ 30%-دى جەنە زەينەتكەرلەر 8,5%-دى قۇرايدى.
ەڭبەككە قابٸلەتتٸ جاستاعى قانداستاردىڭ ٸشٸنەن بٸلٸم دەڭگەيٸ بويىنشا 15,6%-ى جوعارى بٸلٸمدٸ, 34,4%-ى ورتا كەسٸبي بٸلٸمدٸ, 41,2%-ى جالپى ورتا بٸلٸمدٸ.
قونىس اۋدارعان ەتنيكالىق قازاقتار رەسپۋبليكانىڭ تٷرلٸ ٶڭٸرلەرٸنە قونىستاندى.
سونىمەن بٸرگە, قانداستاردى قونىستاندىرۋ ٷشٸن كەلەسٸدەي ەڭبەك كٷشٸ تاپشى ٶڭٸرلەر انىقتالدى: اقمولا, اباي, قوستاناي, پاۆلودار, شىعىس جەنە سولتٷستٸك قازاقستان وبلىستارى.
قونىستاندىرۋ ٶڭٸرلەرٸندە 2023 جىلعا ارنالعان قانداستاردى قابىلداۋ كۆوتاسى 1 925 ادامدى قۇرايدى. 2023 جىلعى 1 قىركٷيەكتەگٸ جاعداي بويىنشا قونىستاندىرۋ ٶڭٸرلەرٸنە 1 773 قانداس قونىس اۋداردى.
جوعارىدا اتالعان ٶڭٸرلەردە قونىستانعان قانداستارعا كٶشۋگە سۋبسيدييا تٷرٸندە مەملەكەتتٸك قولداۋ شارالارى ۇسىنىلادى – بٸر مەزگٸلدە وتاعاسىنا جەنە وتباسىنىڭ ەربٸر مٷشەسٸنە 70 اەك (241,5 مىڭ تەڭگە) مٶلشەرٸندە; تۇرعىن ٷي جالداۋعا جەنە كوممۋنالدىق قىزمەتتەرگە اقى تٶلەۋگە – بٸر جىل ٸشٸندە 15-تەن 30 اەك (51,7-دەن 103,5 مىڭ تەڭگەگە دەيٸن) مٶلشەرٸندە.
جىل باسىنان بەرٸ 918 قانداسقا تٷرلٸ قولداۋ شارالارى كٶرسەتٸلدٸ. اتاپ ايتقاندا, 493 ادام تۇراقتى جۇمىسقا ورنالاستىرىلدى, 918 ادام بٸرجولعى سۋبسيدييا الدى, ال 383 قانداسقا تۇرعىن ٷي شىعىندارى سۋبسيدييالاندى.
سونىمەن قاتار ەرٸكتٸ قونىس اۋدارۋدىڭ تيٸمدٸلٸگٸن ارتتىرۋ ماقساتىندا ازاماتتاردى سولتٷستٸك ٶڭٸرلەرگە قونىس اۋدارۋعا قاتىساتىن جۇمىس بەرۋشٸلەردٸ قولداۋ بويىنشا ينستيتۋتسيونالدىق شارالار قابىلداندى. تۇرعىن ٷي ساتىپ الۋ, سالۋ ٷشٸن نەمەسە يپوتەكالىق تۇرعىن ٷي قارىزدارى بويىنشا باستاپقى جارنانىڭ بٸر بٶلٸگٸن جابۋ ٷشٸن ەكونوميكالىق ۇتقىرلىق سەرتيفيكاتى تۇرعىن ٷي قۇنىنىڭ 50%-ى نەمەسە بٸر وتباسىنا 4 ملن تەڭگەگە دەيٸن مٶلشەرٸندە بٸرجولعى ٶتەۋسٸز جەنە قايتارىمسىز نەگٸزدە ەنگٸزٸلدٸ.
ەستەرٸڭٸزگە سالا كەتەيٸك, وسى جىلى پيلوتتىق رەجيمدە قازاقستان ەلشٸلٸكتەرٸ ارقىلى «بٸر تەرەزە» قاعيداتى بويىنشا قانداس مەرتەبەسٸن بەرۋ تەتٸگٸ ٸسكە اسىرىلدى. پيلوتتىق جوبا شەڭبەرٸندە ەلٸمٸزگە بارۋ, جۇمىس ورنى, تۇرعىن ٷي بەرۋ مٷمكٸندٸكتەرٸ تۋرالى مەسەلەنٸ شەشۋگە جەنە رەسپۋبليكا اۋماعىنا كٸرمەي-اق قانداس مەرتەبەسٸن الۋعا بولادى. بٷگٸنگٸ تاڭدا رەسپۋبليكانىڭ شەت ەلدەردەگٸ مەكەمەلەرٸ ارقىلى ەتنيكالىق قازاقتاردان جاڭا فورماتتا 2 037 ٶتٸنٸش (681 وتباسى) قابىلداندى.
