ءوز قۇتتىقتاۋىندا ل. تۇرلاشوۆ ەلباسىنىڭ مەملەكەتتىك اپپاراتتى جاڭعىرتۋ ماسەلەسىنە ەرەكشە نازار اۋدارىپ وتىرعانىنا توقتالدى. بۇل ءوز كەزەگىندە مەملەكەتتىك باسقارۋدى جەتىلدىرۋگە، حالىققا قىزمەت كورسەتۋ ساپاسىن ارتتىرۋعا، مەملەكەتتىك قىزمەتشىلەردىڭ جۇمىس ىستەۋىنە قولايلى جاعداي جاساۋعا ىقپال ەتەتىنىن ايتتى.
– مەملەكەتتىك قىزمەت – بىزگە ۇلكەن جاۋاپكەرشىلىك جۇكتەيدى. ەلباسىمىز نۇرسۇلتان ءابىش ۇلى نازاربايەۆ ءوزىنىڭ «100 ناقتى قادام» ۇلت جوسپارىندا الدىمىزعا «كاسىبي مەملەكەتتىك اپپارات قۇرۋ» مىندەتىن قويدى. بۇل ورايدا مەملەكەتتىك قىزمەتكەردىڭ بىلىكتىلىگى مەن كاسىبي دەڭگەيى تۋرالى تاقىرىپتىڭ باستى ماسەلە رەتىندە كورسەتىلۋى تەگىن ەمەس. ءاربىر سالانىڭ جەتىستىگى، الداعى ەكونوميكالىق ءوسىم، يندۋستريالاندىرۋ ساياساتىنىڭ تيىمدىلىگى، حالىقتىڭ ءال-اۋقاتى، جالپى العاندا، ەلدىڭ دامۋ دەڭگەيى ساۋاتتى دا كاسىبي باسقارۋشىلىققا تىكەلەي بايلانىستى، – دەپ اتاپ وتكەن وبلىس اكىمىنىڭ ءبىرىنشى ورىنباسارى جيىنعا قاتىسۋشىلاردىڭ ەل يگىلىگى جولىنداعى ەڭبەكتەرىنە جەمىس تىلەدى.
سالتاناتتى شارادا 6 مەملەكەتتىك قىزمەتشى «ۇزدىك مەملەكەتتىك قىزمەتشى» توسبەلگىسىمەن جانە ءبىرقاتار ازاماتتار وبلىس اكىمىنىڭ قۇرمەت گراموتاسىمەن، العىس حاتىمەن ماراپاتتالدى.
مۇنان كەيىن ءسوز العان مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ الماتى وبلىسى بويىنشا دەپارتامەنتىنىڭ باسشىسى سەرىكباي نۇرعيسايەۆ تا مەملەكەتتىك قىزمەتشىلەرگە ىزگى تىلەگىن ءبىلدىرىپ، ماراپاتتار تاپسىردى.
مەملەكەتتىك قىزمەتكە جاڭادان قابىلدانعان جاس ماماندار انت قابىلدادى.
مەرەكەلىك جيىن سوڭى وبلىستىق ءسۇيىنباي اتىنداعى فيلارمونيانىڭ كونسەرتىنە ۇلاستى.
الماتى وبلىسى اكىمنىڭ باسپا ءسوز قىزمەتى
