جەتٸسۋدىڭ ازىق-تٷلٸك تاۋار ٶندٸرۋشٸلەرٸ الماتىدا جەرمەڭكە ٶتكٸزدٸ
قالالىقتار ٷشٸن 36,0 توننا ەت, 21,0 توننا سٷت ٶنٸمدەرٸ, 114,7 توننا كٶكٶنٸس پەن 38,0 توننا جەمٸس-جيدەك, 15,8 توننا بالىق, 38 توننا كارتوپ جەنە باسقا دا تاۋارلار ساۋداعا شىعارىلدى. جەرمەڭكەدەگٸ ازىق-تٷلٸك باعاسى قالا بازارىنان 10-15 پايىزعا ارزان باعادا قويىلدى.
– ەڭبەكشٸقازاق اۋدانى شەلەك اۋىلىندا تۇرامىن. 8 گەكتار الما باعىم بار. جىل سايىن ٶتەتٸن دەستٷرلٸ جەرمەڭكەنٸ ساعىنىپ قالىپپىز. ساۋدامىز ويداعىداي جٷرۋدە, – دەيدٸ جەرمەڭكەگە ارنايى كەلگەن كەسٸپكەر تايىر قالداياقوۆ. سونداي-اق, ساۋدا سٶرەلەرٸندە تەكەلٸ سٷت زاۋىتىنىڭ ٶنٸمدەرٸنە, ەسكەلدٸ اۋدانىنىڭ بالىنا, ەڭبەكشٸقازاق اۋدانىنىڭ الماسىنا, نارىنقولدىڭ كارتوبىنا, باقاناستىڭ كٷرٸشٸنە, كٶكسۋ مەن اقسۋدىڭ ەت ٶنٸمدەرٸنە, باسقا دا تابيعي تازا ٶنٸمدەرگە دەگەن سۇرانىس ٶتە جوعارى بولدى.
جەرمەڭكەنٸڭ ٶتۋ بارىسىن وبلىس ەكٸمٸنٸڭ ورىنباسارى سەرٸك تۇرداليەۆ باستاعان جۇمىس توبى قاداعالاپ, ساۋدانىڭ قالاي جٷرٸپ جاتقانىن كٶرٸپ, اۋىلدان كەلگەن شارۋا قوجالىقتارىنىڭ جەتەكشٸلەرٸمەن پٸكٸرلەستٸ.
