جەتىسۋ وبلىسىندا 2022 جىلمەن سالىستىرعاندا جۇمىس ىستەپ تۇرعان شاعىن، ورتا بيزنەس سۋبەكتىلەرىنىڭ سانى 28،4%-عا ۇلعايىپ، 59،7 مىڭ بىرلىككە جەتتى، – دەپ حابارلايدى Dalanews.kz تۇركىستان وبلىسى اكىمىنىڭ باسپا ءسوز قىزمەتىنە سىلتەمە جاساپ.

بۇگىندە وبلىستا كاسىپكەرلىك سالادا 102،9 مىڭ ادام ەڭبەك ەتەدى، بۇل 2022 جىلعى دەڭگەيگە قاراعاندا 21،8%-عا ارتىق.

جەتىسۋ وبلىستىق كاسىپكەرلىك جانە يندۋستريالىق-يننوۆاسيالىق دامۋ باسقارماسىنىڭ دەرەكتەرى بويىنشا 2023 جىلعا كاسىپكەرلىكتى دامىتۋ ءۇشىن 6،8 ملرد. تەڭگە ءبولىندى، ونىڭ  6،1 ملرد تەڭگەسى رەسپۋبليكالىق بيۋدجەتتەن، 723،7 ملن. تەڭگەسى جەرگىلىكتى بيۋدجەتتەن قاراستىرىلدى.

– بۇگىنگى تاڭدا جالپى كرەديت سوماسى 15 ملرد تەڭگە بولاتىن 335 جوبا ماقۇلداندى. «باستاۋ بيزنەس» جوباسى بويىنشا 3809 ادام وقىتۋعا جىبەرىلدى، سونىڭ 2752ء-سى وقۋىن اياقتادى، 565ء-ى ءوز ءىسىن اشتى. 400 اەك-كە دەيىنگى 302،2 ملن.تەڭگە بولاتىن مەملەكەتتىك گرانت 219 ادامعا بەرىلدى. ال جاستار كاسىپكەرلىگىن قولداۋ ماقساتىندا 1 قازانعا دەيىن 1،2 ملرد. تەڭگەگە 268 بيزنەس-جوبا ماقۇلداندى، – دەلىنگەن باسقارمانىڭ حابارلاماسىندا.

بۇدان بولەك، اۋىل حالقىنىڭ تابىسىن ارتتىرۋعا باعىتتالعان «اۋىل اماناتى» جوباسىن ىسكە اسىرۋ اياسىندا وڭىرگە رەسپۋبليكالىق بيۋدجەتتەن 3،2 ملرد. تەڭگە بولىنۋدە. 1 قازانداعى جاعداي بويىنشا 3،6 ملرد تەڭگەگە 547 ءوتىنىم قابىلداندى، ونىڭ ىشىندە 1،2 ملرد تەڭگەگە 218 ءوتىنىم ماقۇلداندى جانە 1،2 ملرد تەڭگەگە 216 قارىز بەرىلدى، ونىڭ ىشىندە اۋىل شارۋاشىلىعىنا جاتپايتىن قىزمەت تۇرلەرى بويىنشا 33،2 ملن تەڭگەگە 6 ميكروكرەديت بەرىلگەن. سونىڭ ناتيجەسىندە 5 كووپەراتيۆ قۇرىلىپ، 206 جەكە كاسىپكەر تىركەلدى.

ايتا كەتەيىك، بيزنەستى قارجىلىق ەمەس قولداۋ شەڭبەرىندە بيىلعى جىلدان باستاپ جەتىسۋدا «Zhetysu invest» ينۆەستيسيا تارتۋ وڭىرلىك ورتالىعى جۇمىس ىستەيدى. سونىڭ نەگىزىندە «ءبىر تەرەزە» فورماتىندا بيزنەستى دامىتۋ مەن ينۆەستيسيالىق جوبالاردى ىسكە اسىرۋدىڭ بارلىق شارالارى ۇسىنىلادى.

ورتالىقتىڭ فيليالدارى تالدىقورعان مەن الماتىدا ورنالاسقان. سونداي-اق تۇراقتى نەگىزدە «اتامەكەن» وڭىرلىك كاسىپكەرلەر پالاتاسى قىزمەت كورسەتەدى.