جەتٸسۋدا «جاۋجٷرەك پولك» شەرۋٸندە جٷرٸپ ٶتتٸ
9 مامىر مەرەكەسٸ تالدىقورعاندا داڭق وبەليسكٸسٸنە گٷل شوقتارىن قويۋدان باستالىپ, نەگٸزگٸ شارالار «جاستار» ساياباعىندا جالعاستى. ەڭ الدىمەن كٶرەرمەندەرگە «ۇرپاقتار ۇمىتپايتىن ۇلى جەڭٸس» اتتى تەاترلاندىرىلعان كٶرٸنٸس ۇسىنىلدى. وندا سوعىس باستالعاننان جەڭٸسكە قول جەتكٸزگەنگە دەيٸنگٸ ارالىقتاعى سۇراپىل جىلداردىڭ اۋىر كەزەڭدەرٸ كٶرسەتٸلدٸ. قالانىڭ ورتالىق كٶشەلەرٸمەن «جاۋجٷرەك پولك» شەرۋٸنٸڭ جٷرٸپ ٶتۋٸ دە جەڭٸسكە دەگەن قۇرمەتتٸ ەسەلەي تٷستٸ.
ارداقتى ارداگەرلەر مەن جينالعان قاۋىمدى مەرەكەمەن قۇتتىقتاعان وبلىس ەكٸمٸنٸڭ بٸرٸنشٸ ورىنباسارى ل.تۇرلاشوۆ:
– بٷگٸن باتىرلىق پەن جانقييارلىق ەرلٸكتٸڭ, بٸرلٸك پەن تاتۋ تٸرلٸكتٸڭ مەرەكەسٸ – ۇلى جەڭٸسكە 73 جىل تولىپ وتىر. بارشاڭىزدى وسى ايتۋلى مەرەكەمەن شىن جٷرەكتەن قۇتتىقتايمىن! ەلباسىمىز نۇرسۇلتان ەبٸشۇلى نازارباەۆ «اعا ۇرپاقتىڭ جەڭٸسٸ مەن بٷگٸنگٸ بٸزدٸڭ جەتٸستٸگٸمٸز – بٸر-بٸرٸمەن تىعىز بايلانىستى. ەگەر اعا بۋىننىڭ ەرلٸگٸ بولماعاندا, بٸز مۇنداي مەملەكەت قۇرا الماس ەدٸك, – دەپ ەرەكشە اتاپ كٶرسەتتٸ. بۇل سۇراپىل سوعىسقا 1 ميلليون 800 مىڭ قازاقستاندىق اتتانىپ, سونىڭ تەڭ جارتىسى قان مايداننان قايتپادى. بٷگٸن قاسىمىزدا جٷرگەن سوعىس ارداگەرلەرٸ – بiزدiڭ ماقتانىشىمىز. ولار وتان قورعاۋ جولىندا ناعىز پاتريوتيزمنiڭ ٷلگiسiن كٶرسەتتٸ. اعا بۋىن جاستاردى تەربيەلەپ, ەلٸمٸزدٸڭ ٶسٸپ-ٶركەندەۋٸ ٷشiن اتسالىستى. ارداگەرلەرگە بارىنشا قامقورلىق جاساۋ – بiزدiڭ قاسيەتتi بورىشىمىز, – دەپ اتاپ ٶتتٸ.
جەڭٸستٸ جاقىنداتۋداعى جەتٸسۋلىقتاردىڭ قوسقان ٷلەسٸن ايتا كەلە, ارداگەرلەرگە مىقتى دەنساۋلىق, بەيبٸت ٶمٸر تٸلەدٸ.
مەرەكەلٸك كونتسەرتتە وبلىستىڭ شىعارماشىلىق ۇجىمدارى, قازاقستان ەستراداسىنىڭ جارىق جۇلدىزى ەلٸبەك دٸنٸشەۆ پاتريوتتىق رۋحتاعى رەپەرتۋارلارىمەن حالىقتىڭ ىستىق ىقىلاسىنا بٶلەندٸ. اتاپ ايتقاندا ۇلى جەڭٸس, بەرەكە-بٸرلٸك, دوستىق پەن سٷيٸسپەنشٸلٸك, وتان جايىنداعى ەندەر مەرەكەنٸڭ سالماعىن ارتتىرا تٷستٸ. ساياباقتا دەستٷرلٸ «دالا اسحاناسى» قويىلىپ, ارداگەرلەر اسحانادان دەم تاتتى.
وسى كٷنٸ «تالدىقورعان» يپپودرومىندا مەرەكەگە وراي ۇلتتىق ات سپورتى تٷرلەرٸنەن رەسپۋبليكالىق جارىس ٶتٸپ, كەشكٸلٸك «جاستار» ساياباعىندا جاستارعا ارنالعان بي كەشٸ مەن مەرەكەلٸك وتشاشۋ ۇيىمداستىرىلادى.
بالجان قايراتقىزى,
تالدىقورعان قالاسى.
