جەتٸسۋ وبلىسىندا ۇلى وتان سوعىسىنداعى جەڭٸستٸڭ 80 جىلدىعىن مەرەكەلەۋ اياسىندا 9 مامىرعا دەيٸن سوزىلاتىن دەنساۋلىق ايلىعى باستالدى. تەگٸن مەديتسينالىق تەكسەرۋلەر مەن كونسۋلتاتسييالىق-دياگنوستيكالىق كٶمەك ەمحانالاردا دا, ٷيدە دە ۇيىمداستىرىلۋدا. دەرٸگەرلەردٸڭ موبيلدٸ بريگادالارى اتالعان شارادا 1500 استام تىل ارداگەرٸن قامتۋدى جوسپارلاپ وتىر, دەپ حابارلايدى Dalanews.kz
مەسەلەن, جۋىردا قۇرامىندا حيرۋرگ, تەراپەۆت جەنە نەۆروپاتولوگ ماماندارى بار مەديتسينالىق بريگادا ەسكەلدٸ اۋدانى جەتٸسۋ اۋىلىندا تۇراتىن تىل ەڭبەككەرٸ بالشەكەر تايجانوۆاعا باردى.
جاسى ۇلعايعاندىقتان ارداگەرگە اۋرۋحاناعا بارۋ قيىنعا سوعادى. سوندىقتان مەديتسينا قىزمەتكەرلەرٸ تۇراقتى تٷردە ٷيدە كٶمەك كٶرسەتەدٸ.
«بٸز ارداگەرگە جىلىنا بٸرنەشە رەت كەلٸپ تۇرامىز. ول ٷلگٸلٸ پاتسيەنت, بٸزدٸڭ ايتقان اقىل-كەڭەستەرٸمٸزدٸ ەردايىم ۋاقتىلى ورىندايدى», - دەيدٸ ەسكەلدٸ اۋدانىنىڭ ورتالىق اۋداندىق اۋرۋحاناسىنىڭ مەڭگەرۋشٸسٸ سايات تٸكەنباەۆ.
ايتا كەتسەك, بالشەكەر تايجانوۆا – ناعىز قاراپايىم ەڭبەك ادامى. ولار تۋرالى ەل پرەزيدەنتٸ: «ادال ەرٸ تاباندى ەڭبەگٸمەن تابىسقا جەتكەن ادامدار قاشاندا قۇرمەتتٸ, سىيلى بولۋى كەرەك» دەگەن بولاتىن.
جاس كەزٸندە بالشەكەر اپا قىزىلشا القابىندا جۇمىس ٸستەدٸ. كەيٸن ساۋىنشى بولىپ, كٷنٸنە 44 سيىر ساۋدى, مال باقتى. لايىقتى دەمالىسقا شىققاننان كەيٸن ول تۋعان اۋدانىنىڭ دامۋىنا, جاستاردى تەربيەلەۋگە ٷلەس قوسۋىن جالعاستىردى. كٶپ بالالى انا جۇبايىمەن بٸرگە جەتٸ بالا تەربيەلەپ ٶسٸردٸ. قازٸر 22 نەمەرەسٸ, 44 شٶبەرەسٸ بار.
- مەنٸڭ باستى قاعيداتىم – ادال ەڭبەك ەتۋ, سول ارقىلى لايىقتى ٶمٸر سٷرۋ. تەك سوندا عانا بٸز ادامگەرشٸلٸكتٸ ساقتاپ, ٸزگٸ قاسيەتتەردٸ بولاشاق ۇرپاققا جەتكٸزە الامىز. مەملەكەتٸمٸزدٸڭ بٸزگە, قارتتارعا قامقور بولعانى ٶتە جاقسى. جىلى سٶزگە, جايدارى كٶڭٸلگە نە جەتسٸن, - دەدٸ ول.
جالپى جەتٸسۋ وبلىسىندا جەڭٸستٸڭ 80 جىلدىعىن مەرەكەلەۋ اياسىندا سوعىس ارداگەرلەرٸنە, مٷگەدەكتەرٸنە, ولارعا تەڭەستٸرٸلگەندەر مەن تىل ەڭبەككەرلەرٸنە كەشەندٸ ەلەۋمەتتٸك قولداۋ كٶرسەتۋ كٶزدەلگەن.
- بيىلعى جىلى ٶڭٸردە جەڭٸستٸڭ 80 جىلدىعىن مەرەكەلەۋ قۇرمەتٸنە ۇلى وتان سوعىسىنىڭ قاتىسۋشىلارى مەن مٷگەدەكتەرٸنە, سونداي-اق ولارعا تەڭەستٸرٸلگەن 3 215 ادامعا بٸرجولعى ماتەريالدىق كٶمەك كٶرسەتۋگە 393,8 ملن.تەڭگە بٶلٸندٸ. بۇل رەتتە مايدانگەرلەرگە 5 ملن. تەڭگەدەن تٶلەنەتٸن بولادى. جانقييارلىق ەڭبەگٸ ٷشٸن بەرٸلگەن ناگرادالارى بار تىل قىزمەتكەرلەرٸنە 100 مىڭ تەڭگەدەن تٶلەنەدٸ. ماتەريالدىق قولداۋدان باسقا ۇوس قاتىسۋشىلارى مەن مٷگەدەكتەرٸ ٷشٸن كوممۋنالدىق شىعىندارعا اي سايىنعى ٶتەماقى تٷرٸندە جەڭٸلدٸكتەر بەرٸلەدٸ, ارداگەرلەر تەحنيكالىق وڭالتۋ قۇرالدارىمەن قامتاماسىز ەتٸلەدٸ, سونداي-اق جىلىنا بٸر رەت تەگٸن ساناتورلىق-كۋرورتتىق جولدامالار الادى. اتاپ ايتقاندا, بيىل ٶڭٸردە 243 ارداگەرگە ساناتورلىق-كۋرورتتىق ەمدەلۋگە 50 ملن. تەڭگە بٶلٸندٸ, - دەدٸ وبلىستىق جۇمىسپەن قامتۋدى ٷيلەستٸرۋ جەنە ەلەۋمەتتٸك باعدارلامالار باسقارماسىنىڭ باسشىسى ەرمەك ميزامباەۆ.
جالپى جەتٸسۋ وبلىسىندا ۇلى وتان سوعىسىنا تٸكەلەي قاتىسۋشى 2 ارداگەر بار. ولار تٶلەۋباي چەكتىباەۆ پەن ىسقاق قۇسايىنوۆ, ارداگەرلەر بٷگٸندە 100 جاستان استى. سول سيياقتى 1598 تىل ەڭبەككەرلەرٸ تۇرادى.
