جەتٸسۋ وبلىسىندا بٷگٸنگٸ تاڭدا ٶرتتٸڭ الدىن الۋ ٸس-شارالارى مەن ٷي ارالاۋ جۇمىستارىمەن ەلەۋەمەتتٸك وسال توپتاعى 7616 وتباسى قامتىلدى. وسى ساناتتاعى وتباسى ٷيلەرٸنە گازدىڭ قاۋٸپتٸ شوعىرلانۋىن انىقتايتىن 2045 داتچيك ورناتۋ جوسپارلانعان. بٷگٸنگٸ كٷنگە سونىڭ 820-سى ورناتىلدى, دەپ حابارلايدى Dalanews.kz.
جەتٸسۋ وبلىسىنىڭ تٶتەنشە جاعدايلار دەپارتامەنتٸنٸڭ مەلٸمەتٸنە قاراعاندا, داتچيكتەر كەربۇلاق, ەسكەلدٸ, سارقان, پانفيلوۆ, اقسۋ اۋداندارىندا قويىلعان. جالپى دەپارتامەنت تاراپىنان جەكە تۇرعىن ٷي سەكتورلارىندا ٶرت قاۋٸپسٸزدٸگٸ ايلىعى ٶتكٸزٸلۋدە. ونىڭ اياسىندا مەملەكەتتٸك ورگاندار مەن ەرٸكتٸلەر ۇيىمدارىنىڭ قاتىسۋىمەن رەيدتٸك تەكسەرۋلەر, تۇرعىندارمەن كەزدەسۋ, بٸلٸم بەرۋ مەكەمەلەرٸندە ينتەراكتيۆتٸ ساباقتار ٶتكٸزٸلۋدە.
مەسەلەن, بٷگٸن تٶتەنشە جاعداي سالاسىنىڭ قىزمەتكەرلەرٸ تالدىقورعان قالاسىنداعى «قىزىلتاس» ساياجايىندا تۇراتىن ەلەۋمەتتٸك وسال توپتاعى وتباسى ٷيلەرٸن ارالاپ, پەش مۇرجالارىن تازالادى, داتچيكتەر ورناتتى, ٶرت قاۋٸپسٸزدٸگٸ ەرەجەلەرٸن تٷسٸندٸردٸ. سونىمەن قاتار رەيد جۇمىستارىنا «تاتەك» اق ماماندارى دا تارتىلىپ, ولار ٷيلەردەگٸ ەلەكتر جەلٸلەرٸنٸڭ جۇمىسىن تەكسەردٸ.
- جەتٸسۋ وبلىسىندا جەكە تۇرعىن ٷي سەكتورلارىندا جىلىتۋ ماۋسىمىندا ٶرتتٸڭ الدىن الۋ شارالارى كەڭٸنەن اتقارىلۋدا. حالىق اراسىندا تٷسٸندٸرۋ جٷرگٸزٸلٸپ, ەسٸرەسە جىلىتۋ قۇرىلعىلارىنىڭ جۇمىسى, پەش جاعۋ ەرەجەلەرٸن تٷسٸندٸرۋگە كٶپ كٶڭٸل بٶلٸنەدٸ. بيىل ەلەۋمەتتٸك وسال توپتار ساناتىنداعى وتباسى ٷيلەرٸنە ورناتۋ ٷشٸن گازدىڭ قاۋٸپتٸ شوعىرلانۋىن انىقتايتىن 2045 داتچيك ساتىپ الۋ جوسپارلانعان, سونىڭ 1720-سى ساتىپ الىندى, قالعانى قازان ايىنىڭ سوڭىنا دەيٸن ساتىپ الىنادى, قۇرىلعىنى ورناتۋ جۇمىستارى جالعاسىپ جاتىر, - دەدٸ جەتٸسۋ وبلىستىق تجد مەملەكەتتٸك ٶرت باقىلاۋ باسقارماسىنىڭ اعا ينجەنەرٸ, ازاماتتىق قورعانىس كاپيتانى ەلامان ەۋبەكٸروۆ.
اتالعان شارالارعا قاتىستى جەرگٸلٸكتٸ تۇرعىندار دا پٸكٸر بٸلدٸردٸ.
- ٷيٸمٸزگە تەگٸن داتچيك قويىپ, پەشتٸڭ مۇرجاسىن تازالاپ بەردٸ. تٶتەنشە جاعداي قىزمەتكەرلەرٸ جىل سايىن وسىلاي كٶمەكتەسەدٸ. جاسىم ەگدە ادام بولعاندىقتان, جىلىتۋ ماۋسىمىندا ماعان وسىنداي جۇمىستاردى اتقارۋعا كٶمەك قاجەت, سوندىقتان مۇنداي جۇمىستاردىڭ اتقارىلىپ جاتقانىنا ريزامىز, - دەيدٸ جەرگٸلٸكتٸ تۇرعىن كەكيماش ورازباەۆا.
اتاپ ٶتسەك, جٷرگٸزٸلگەن پروفيلاكتيكالىق جۇمىستاردىڭ نەتيجەسٸندە بيىلعى جىلىتۋ ماۋسىمى باستالعالى بەرٸ ٶڭٸردەگٸ ٶرت وقيعالارىنىڭ سانى ٶتكەن جىلدىڭ وسى مەرزٸمٸمەن سالىستىرعاندا 2,2 ەسەگە ازايعان.
