سپيكەر ەلباسىنىڭ 100 سپورتتىق كەشەن سالۋ تۋرالى تاپسىرماسىنا وراي جانە بۇقارالىق سپورتتى دامىتۋ ماقساتىندا قولدانىسقا بەرىلگەن 13 دشو-عا قوسىمشا تاعى ءتورت دەنە شىنىقتىرۋ–ساۋىقتىرۋ كەشەنىنىڭ قۇرىلىسى جۇرگىزىلىپ جاتقانىن جەتكىزدى.
– استانا كۇنىندە تالدىقورعان قالاسىندا ورتالىق ازيادا تەڭدەسى جوق جابىق ءجۇزۋ باسسەينىن اشتىق. ءقازىر مۇندا 1126 بالا جۇزۋمەن اينالىسادى، قوسىمشا تاعى 2 مىڭ بالا قابىلدانادى. باسسەين سالۋ – الەۋمەتتىك نىساندار قۇرىلىسىنداعى مەملەكەتتىك-جەكەشەلىك ارىپتەستىك تەتىگىنىڭ جەمىسى، – دەدى اماندىق باتالوۆ.
ءوز سوزىندە سپيكەر قوعامدىق قاۋىپسىزدىكتى قامتاماسىز ەتۋ ماسەلەلەرىنە دە توقتالدى. ونىڭ ايتۋىنشا، ىشكى ىستەر ورگاندارىنىڭ ماتەريالدىق-تەحنيكالىق بازاسىن نىعايتۋعا 4،7 ملرد.تەڭگە بولىنگەن. 154 قىزمەتتىك اۆتوكولىك ساتىپ الىنۋدا، قوسىمشا 250 بەينەباقىلاۋ كامەراسى ورناتىلدى، تۇرعىن ۇيمەن بىرىكتىرىلگەن ءتورت ۋچاسكەلىك پوليسيا پۋنكتى سالىندى، 16 جاڭا ءورت ءسوندىرۋ بەكەتى قۇرىلدى.
