جەتىسۋ وبلىسى بويىنشا تابيعي مونوپوليالاردى رەتتەۋ دەپارتامەنتىنىڭ باسشىسى سوتتالدى، دەپ حابارلايدى Dalanews.kz.
تالدىقورعان قالالىق سوتى وبلىس بويىنشا تابيعي مونوپوليالاردى رەتتەۋ دەپارتامەنتىنىڭ باسشىسى ا.ساعىمبەكوۆكە جانە "تالدىقورعان اكسيونەرلىك كولىك-ەلەكترجەلىلىك كومپانياسى" اق باسقارما ءتوراعاسى ا.كۇزەمبايەۆقا ۇكىم شىعاردى.
لاۋازىمدى تۇلعا پارا العانى ءۇشىن، ال كۆازيمەملەكەتتىك سەكتور سۋبەكتىسىنىڭ باسشىسى 2025 جىلعا ارنالعان ءوڭىر حالقى ءۇشىن ەلەكتر ەنەرگياسىن تاسىمالداۋ ءتاريفىنىڭ كورىنەۋ جوعارى قۇنىن بەكىتكەنى ءۇشىن 500 مىڭ تەڭگە سوماسىندا پارا بەرگەنى ءۇشىن كىنالى دەپ تانىلدى.
ساعىمبەكوۆ پەن كۇزەمبايەۆقا 15 ملن تەڭگە جانە 10 ملن تەڭگە ايىپپۇل تۇرىندە جازا تاعايىندالدى. سونىمەن قاتار، ولارعا مەملەكەتتىك قىزمەتتە جانە كۆازيمەملەكەتتىك سەكتور سۋبەكتىلەرىندە قىزمەت اتقارۋعا ءومىر بويى تىيىم سالىنادى.
سوت اكتىسى زاڭدى كۇشىنە ەنگەن جوق.
