5 اقپان كۇنى قازاقستان اۋماعىندا، الماتى قالاسىنان سولتۇستىك-شىعىسقا قاراي 284 شاقىرىم قاشىقتىقتا جەر سىلكىنىسى تىركەلدى، دەپ حابارلايدى Dalanews.kz.

توتەنشە جاعدايلار مينيسترلىگىنىڭ مالىمەتىنشە، جەر سىلكىنىسى استانا ۋاقىتىمەن ساعات 13:42-دە سەيسميكالىق ستانسالار جەلىسى ارقىلى انىقتالعان. جەراستى ءدۇمپۋىنىڭ وشاعى قازاقستان اۋماعىندا ورنالاسقان.

جەتىسۋ وبلىسىنىڭ ءبىرقاتار ەلدى مەكەندەرىندە جەر سىلكىنىسى سەزىلگەن. اتاپ ايتقاندا، پانفيلوۆ اۋدانىندا، تەكەلى قالاسىندا، اقسۋ اۋدانىنىڭ جانسۇگىروۆ اۋىلىندا جانە سارقان قالاسىندا ءدۇمپۋدىڭ كۇشى 3 بالعا جەتكەن.

ال قارابۇلاق كەنتى، تالدىقورعان قالاسى، بالپىق بي اۋىلى، شونجى، سارىوزەك، ۇشتوبە، قىرعىزساي، كوكپەك جانە شەلەك اۋىلدارىندا جەر سىلكىنىسى 2 بالل شاماسىندا سەزىلگەن.

توتەنشە جاعدايلار مينيسترلىگىنىڭ دەرەگىنشە، زارداپ شەككەندەر مەن قيراعان نىساندار تۋرالى اقپارات تۇسكەن جوق. جاعداي باقىلاۋدا.