جەتىسۋ وبلىسىندا دۇكەندە جارىلىس بولدى، دەپ حابارلايدى Dalanews.kz.
15 اقپاندا 18:45 شاماسىندا ەسكەلدى اۋدانى قارابۇلاق اۋىلىندا ورنالاسقان "ماليكا" ازىق-تۇلىك دۇكەنىندە گاز-اۋا قوسپاسى جارىلدى.
"وقيعا سالدارىنان سىرتقى قابىرعا مەن شاتىردىڭ ءبىر بولىگى قۇلاپ، شامامەن 36 شارشى مەتر اۋماق زاقىمدانعان. 3 ادام زارداپ شەگىپ، تەكسەرىستەن كەيىن اۋداندىق ورتالىق اۋرۋحاناعا جەتكىزىلدى. جاعدايلارى ورتاشا اۋىر، تۇراقتى"، - دەپ جازىلعان حابارلامادا.
وقيعا ورنىنا جەتىسۋ وبلىسى تجد كۇشتەرى مەن قۇرالدارى جەدەل جەتكەن، 27 جەكە قۇرام، 6 تەحنيكا جۇمىلدىرىلعان.
ءقازىر وقيعانىڭ ءمان-جايى انىقتالىپ جاتىر.
