جەتٸسۋ وبلىسىندا ناۋرىزناما ونكٷندٸگٸ بٷگٸن كٶرٸسۋ كٷنٸ – «امال» مەرەكەسٸمەن باستالىپ, وعان 1 مىڭنان استام ادام قاتىستى. بۇل رەتتە تالدىقورعانداعى ب.ريموۆا تەاترىنىڭ الاڭىندا ٶتكەن ٸس-شاراعا 200-گە جۋىق ادام قاتىسىپ, مەرەكەگە جينالعان قاۋىمدى وبلىس ەكٸمٸنٸڭ اتىنان ورىنباسارى دياس ەسدەۋلەتوۆ قۇتتىقتادى, دەپ حابارلايدى Dalanews.kz
ٶنەر ورداسى الدىنداعى الاڭ ۇلتتىق ناقىشتا بەزەندٸرٸلٸپ, تالدىقورعان تەاترىنىڭ ەرتٸستەرٸ تەاترلاندىرىلعان كٶرٸنٸس ۇسىندى. كٶرٸنٸس بارىسىندا ٶمٸرگە كەلگەن سەبيگە ات قويۋ رەسٸمٸ اتقارىلىپ, ادامداردىڭ بٸر-بٸرٸن قۇرمەتتەۋ سالتى كٶپشٸلٸككە پاش ەتٸلدٸ. اتاپ ايتقاندا, ٷلكەندەردٸڭ قۇشاقتاسىپ كٶرٸسۋٸ, كەلٸننٸڭ سەلەم سالۋى, اقساقالدىڭ باتا بەرۋٸ, بالاعا ات قويۋ سيياقتى دەستٷرلەر دەرٸپتەلدٸ.
بۇدان ەرٸ مەرەكەلٸك شارا جەتٸسۋ وبلىسىنىڭ دەنەش راقىشەۆ اتىنداعى فيلارمونيياسىنىڭ كونتسەرتتٸك باعدارلاماسىمەن جالعاستى.
"بالا كەزٸمٸزدە ناۋرىزدا ٷلكەندەر جاعى بٸر-بٸرٸمەن قول الىسىپ, «جاسىڭ قۇتتى بولسىن» دەپ قۇشاقتاسىپ جاتاتىن. اۋىل بالالارى ٷي-ٷيدٸ ارالاپ, ٷلكەندەردٸڭ بەرگەن تەتتٸلەرٸن قالتاسىنا سىيعىزا الماي, بالا كٶڭٸلمەن مارقايىپ, بٸر جاساپ قالاتىنبىز. كٶرٸسۋ مەرەكەسٸ نەگٸزٸنەن ەلٸمٸزدٸڭ باتىس وبلىستارىندا كەڭ تاراعان. وسى كٷننٸڭ ناۋرىز مەرەكەسٸنٸڭ باستاۋى رەتٸندە قايتادان جاندانىپ جاتقانىنان قۋانامىز", - دەيدٸ امال مەرەكەسٸنە قاتىسقان اقساقالداردىڭ بٸرٸ سەرٸك نۇرحالىق.
وسى كٷنٸ وبلىستىڭ بارلىق اۋدان-قالالارىندا مەرەكەلٸك كونتسەرت, تەاترلاندىرىلعان كٶرٸنٸستەر, كەزدەسۋلەر ٶتٸپ جاتىر.
ەسكە سالايىق, پرەزيدەنتتٸڭ باستاماسىمەن ٶتكەن جىلدان بەرٸ 14-23 ناۋرىز ارالىعىندا ناۋرىزناما ونكٷندٸگٸ بەلگٸلەنٸپ, ونىڭ ەر كٷنٸ ٶز اتاۋىنا ساي تاقىرىپتاردى دەرٸپتەيدٸ. ونكٷندٸكتٸڭ باسى 14 ناۋرىز - كٶرٸسۋ كٷنٸ, «امال» مەرەكەسٸ دەپ اتالدى. بۇل ادامداردىڭ بٸر-بٸرٸنە دەگەن قۇرمەتٸ ارتىپ, ٶكپە-رەنٸشتەرٸ كەشٸرٸلٸپ, قۇشاقتاسىپ قاۋىشاتىن كٷنٸ.
