جەتىسۋ وبلىسىنىڭ اۋماعىندا شەگىرتكە تەكتەس زيانكەستەرگە قارسى حيميالىق وڭدەۋ جۇمىستارى ءجۇرىپ جاتىر،- دەپ حابارلايدى Dalanews.kz
بۇگىنگى كۇنى حيميالىق وڭدەۋ جۇمىستارى 108 146 گەكتار القاپتا جۇرگىزىلدى.
وڭىردە ءۇيىرلى شەگىرتكەلەرگە قارسى حيميالىق وڭدەۋ جۇمىستارىن جەر ءۇستى تاسىلىمەن، اسا جەڭىل اۆياسيامەن جانە جەڭىل اۆياسيامەن، پيلوتسىز اۋە جۇيەسىمەن (درونمەن) جۇرگىزەتىن كومپانيالار انىقتالدى.
جالپى اعىمداعى جىلى شەگىرتكە تەكتەس زيانكەستەرگە قارسى حيميالىق وڭدەۋ جۇمىستارىن 114،8 مىڭ گەكتار القاپتا جۇرگىزۋ جوسپارلانعان. ونىڭ ىشىندە 74،6 مىڭ گەكتارى - ءۇيىرلى شەگىرتكەلەرگە قارسى جانە 40،2 مىڭ گەكتارى ءۇيىرسىز ساياق شەگىرتكەلەرگە قارسى وڭدەۋ.
حيميالىق وڭدەۋ جۇمىستارى ءۇشىن 41 سۋ كوزدەرى مەن 22 جانار-جاعارماي بەكەتتەرى بەلگىلەندى. زيانكەستەردى انىقتاۋ جۇمىستارىنا 204 ادام مەن 79 بىرلىك اۆتوكولىك جۇمىلدىرىلدى.
Oبلىستىق جانە اۋداندىق شتابتار قۇرىلىپ، ءوز جۇمىستارىن جۇرگىزۋدە. بۇل باعىتتاعى جۇمىستار الداعى ۋاقىتتا دا جالعاسادى.
