مەملەكەت باسشىسى نۇرسۇلتان نازاربايەۆتىڭ «بولاشاققا باعدار: رۋحاني جاڭعىرۋ» اتتى ماقالاسىنىڭ «تۋعان جەر» باعدارلاماسىندا ايتىلعانداي، تۋعان جەرگە سۇيىسپەنشىلىك تۋعان تاريحىڭدى تەرەڭنەن بىلۋدەن باستالاتىنى بارشاعا ايان. ەلىمىزدىڭ ءاربىر تاۋى مەن وزەنى، سايى مەن قىرى – تۇنىپ تۇرعان تاريح. سوعان ساي سول ولكەدە حالقىنا پانا بولا بىلگەن، ەل ەسىندە قالعان ءبىرتۋار پەرزەنتتەر بار. ال ولار جايىندا جاس ۇرپاقتىڭ بىلگەنى ابزال. وسىعان وراي وربۇلاق شايقاسىنداعى ۇلى جەڭىستىڭ 375 جىلدىعىنا جانە «وربۇلاق» قوعامدىق، ادەبي-تانىمدىق گازەتىنە 5 جىل تولۋىنا وراي مەكتەپ وقۋشىلارى اراسىندا وبلىستىق «وربۇلاق جۇرەگىمدە» بايقاۋى ارنايى ۇيىمداستىرىلدى.
ءوز كەزەگىندە شارانى ۇيىمداستىرعان «وربۇلاق» قوعامدىق، ادەبي-تانىمدىق گازەتىنىڭ شىعارۋشىسى ەرعازى ماناپ ۇلى: «بالالاردىڭ شىعارماشىلىق قابىلەتتەرىن شىڭداۋ ارقىلى ۇلتتىق، ازاماتتىق، پاتريوتتىق سەزىمگە باۋلۋدى كوزدەپ وتىرىمىز. بۇگىنگىدەي تەحنولوگيالىق يگىلىكتەر العا شىققان زاماندا مەكتەپ وقۋشىلارىنىڭ وتاندى سۇيۋگە، قۇرمەتتەۋگە ۇيرەتۋ ءۇشىن وسىنداي تاريحي ءمانى زور شارالاردى ۇيىمداستىرىپ تۇرۋ وتە قاجەت دەپ ەسەپتەيمىن»، – دەدى.
الماتى وبلىسىنىڭ مەكتەپتەرىنەن جينالعان ونەرلى بالالار بايقاۋ بارىسىندا شىعارما، ءمۇشايرا، بەينەلەۋ ونەرى جانە دراما بويىنشا سىنعا ءتۇسىپ، ءوز ونەرلەرىن ورتاعا سالدى.
ماسەلەن، ءمۇشايرا بايقاۋىندا بالالار وزدەرىنىڭ «وربۇلاق» شايقاسىنا ارناعان جالىندى جىرلارىن وقىپ، باتىرلاردىڭ ەرلىگىن جىرلادى. ءوز كەزەگىندە ءادىلقازىلار القاسى جاس اقىنداردىڭ ولەڭ جولدارىنداعى ۇيقاس پەن كوركەمدىك-ەستەتيكالىق قىرلارىن جوعارى باعالاعانىن ايتا كەتۋىمىز كەرەك. ءمۇشايرانىڭ قورىتىندىسى بويىنشا شاپىراشتى قاراساي باتىر اتىنداعى باس جۇلدەنى تەكەلىدەن كەلگەن جانسايا تىلەۋحان يەلەنسە، قاڭلى ساربۇقا اتىنداعى 1-ورىندى وربۇلاقتىڭ ورىندە تۋىپ-وسكەن پانفيلوۆ اۋدانىنىڭ تۋماسى الۋا اسقار قانجىعاسىنا بايلادى. ال بولەك باتىر اتىنداعى 2-ورىن تالدىقورعاندىق زەڭگىر راحاتقىزىنا بۇيىردى.
شىعارما جازىپ، ءقاراسوز بويىنشا سىنعا تۇسكەندەر اراسىندا سالقام جاڭگىر باتىر اتىنداعى باس جۇلدەنى پانفيلوۆ اۋدانىنىڭ ۇكىلەپ قوسقان ءۇمىتى جاينا توقتارباي يەلەندى. ارعىن اعىنتاي باتىر اتىنداعى 1-ورىن
تالعاردان كەلگەن ارۋجان انداسوۆاعا بۇيىردى.
«بەينەلەۋ» اتالىمىندا قازاقستاننىڭ حالىق سۋرەتشىسى ءابىلحان قاستەيەۆ اتىنداعى باس جۇلدەگە پانفيلوۆ اۋدانىنىڭ ورەنى دىنمۇحامەد ايدار يە بولسا، ءتورتقارا جيەمبەت باتىر اتىنداعى 1-ورىن ۇيعىر اۋدانىنان ات تەرلەتىپ كەلگەن شاحرۋح باحتاحۋنوۆقا بۇيىردى.
وسىلايشا، ەكى كۇنگە سوزىلعان بايقاۋ بارىسىندا جەتىسۋدىڭ تۇكپىر-تۇكپىرىنەن جينالعان وقۋشىلار «وربۇلاق» شايقاسىنىڭ ءمانى مەن مازمۇنى جايىندا مول اقپارات جيناپ، ءوي-ورىسىن تولىقتىرىپ قايتتى.
باقىتگۇل سۇلتان قىزى،
اۋليەاعاش ورتا مەكتەبى تاريح ءپانىنىڭ ءمۇعالىمى
الماتى وبلىسى، پانفيلوۆ اۋدانى.
