ونىڭ 3100ء-ى 11-سىنىپتىڭ، ال 9 مىڭدايى 1-سىنىپتىڭ تابالدىرىعىن اتتاپ وتىر. سونداي-اق، 5634 پەداگوگ وقۋ-تاربيە جۇمىستارىنا كىرىستى. ەندىگى مىندەت – شاكىرتتەرگە ساپالى ءىلىم بەرىپ، جان-جاقتى ءبىلىم يەسى ەتىپ تاربيەلەۋ. بۇگىن بۇل تۋرالى قىزىلقۇم اۋىلدىق وكرۋگى اقتوبە اۋىلىنداعى 300 ورىندىق №126 جالپى ورتا مەكتەبىندە وتكەن العاشقى قوڭىراۋ سالتاناتتى جيىنىندا جەتىساي اۋدانىنىڭ اكىمى جامانتاي بەيسەنبايەۆ ءمالىم ەتتى.
بۇگىن اقتوبەلىك اتا-انالار «جاڭادان سالىنعان مەكتەبىمىز اۋدان تاريحىندا قالاتىن بولدى» دەپ ەرەكشە قۋانۋدا. ايتاتىنداي-اق بار. اتالعان ءبىلىم ۇياسىنىڭ لەنتاسىن 24-تامىز كۇنى تۇركىستان وبلىسىنىڭ اكىمى جانسەيىت تۇيمەبايەۆ كەسسە، بۇگىنگى العاشقى قوڭىراۋ شاراسىنا اۋدان اكىمى جامانتاي بەيسەنبايەۆتىڭ ءوزى ارنايى قاتىستى. اقتوبەلىكتەردىڭ قۋانىشىنا ورتاقتاسقان اۋدان باسشىسى جاڭا مەكتەپ ۇجىمىنا ارتىلار سەنىم دە زور ەكەنىن ەسكەرتتى.
– بارشاڭىزدى تاماشا مەرەكە – ءبىلىم كۇنىمەن شىن جۇرەكتەن قۇتتىقتايمىن! ەل كەلەشەگى – جاس ۇرپاقتى جان-جاقتى ءبىلىم يەسى ەتىپ تاربيەلەۋدىڭ ماڭىزى زور. زاماناۋي وسىنداي كەرەمەت عيماراتتا ءبىلىم الۋ – وقۋشىلار ءۇشىن ۇلكەن باقىت. ەندەشە وقۋ جىلىنىڭ سوڭىندا اتالعان مەكتەپتىڭ شاكىرتتەرى ۇزدىكتەر قاتارىنان كورىنىپ، سەنىمدى اقتاۋى ءتيىس. ول ءۇشىن تىڭباي ىزدەنىپ، تالماي وقۋ قاجەت. وسى رەتتە ۇستازحدار قاۋىمىنا دا ۇلكەن جاۋاپكەرشىلىك جۇكتەلىپ وتىر، – دەدى جامانتاي قاناي ۇلى.
جاڭا مەكتەپتەگى وقۋ كۇنى «قازاقستانىم – جۇرەگىم، تۇركىستانىم – تىرەگىم» اتتى اشىق ساباقپەن باستاۋ الدى. اشىق ساباققا اۋدان باسشىسى دا قاتىسىپ، وقۋشىلارمەن تىلدەستى.
ايتا كەتەيىك، بۇگىنگى تاڭدا جەتىساي اۋدانىندا ءبىلىم بولىمىنە قاراستى 70 مەكتەپ جۇمىس ىستەيدى، ونىڭ 69-ى جالپى ورتا، 1ء-ۋى نەگىزگى ورتا مەكتەپ سانالادى. سونىڭ 63ء-ى تيپتىك، 7ء-ۋى ىڭعايلاستىرىلعان عيماراتتا ورنالاسقان. اتالعان 70 مەكتەپتىڭ 65ء-ى ەكى اۋىسىمدا، 4ء-ۋى 1 اۋىسىمدا ءبىلىم بەرەدى. ال بۇعان دەيىن ءۇش اۋىسىمدا ءبىلىم بەرىپ كەلگەن جاڭااۋىل اۋىلدىق وكرۋگىندەگى ىنتىماق اۋىلىندا ورنالاسقان تۇرار رىسقۇلوۆ اتىنداعى جالپى ورتا مەكتەبىنە 600 ورىندىق جاڭا عيمارات سالىنىپ، الداعى جەلتوقسان ايىندا ەل يگىلىگىنە بەرىلەدى دەپ كۇتىلۋدە.
اۋدانىمىزداعى 70 مەكتەپتىڭ 28ء-ى تابيعي گازبەن، 41ء-ى قاتتى وتىنمەن (كومىرمەن) 1 مەكتەپ سۇيىق وتىنمەن جىلىتىلادى. بيىلعى جىلى تاعى دا 6 مەكتەپ تابيعي گازعا قوسىلۋى ءتيىس.
اۋدان بويىنشا 2018-2019 جىلدارداعى جىلۋ بەرۋ ماۋسىمىنىڭ دايىندىعىن قامتاماسىز ەتۋ ماقساتىندا بارلىق ءبىلىم بەرۋ مەكەمەلەرىندە گيدراۆليكالىق سىعىمداۋ جۇمىستارى جۇرگىزىلىپ، سونىڭ ناتيجەسىندە اقاۋى انىقتالعان 15 مەكتەپتە جىلۋ جۇيەسىنە اعىمداعى جوندەۋ جۇمىستارى جالعاسۋدا. اتالعان اعىمداعى جوندەۋ جۇمىستارىنا 26 ملن 925 مىڭ تەڭگە قارجى قارالعان بولاتىن.
سونداي-اق، بۇگىندە اۋدانىمىزداعى بارلىق مەكتەپ تولىعىمەن جاڭارتىلعان ءبىلىم بەرۋ مازمۇنىنداعى وقۋلىقتارمەن تولىق قامتىلدى. بۇل ماقساتقا 420 ملن. 109 مىڭ تەڭگە ءبولىنىپ، 70 مەكتەپكە 330 742 دانا وقۋلىق ساتىپ الىنعان.
جەتىساي اۋدانى اكىمىنىڭ باسپا ءسوز قىزمەتى
