ناقتىراق ايتساق، رەسپۋبليكالىق بيۋدجەتتەن – 1 689،696،0 مىڭ تەڭگە، جەرگىلىكتى بيۋدجەتتەن – 959،408،0 مىڭ تەڭگە بولىنگەن.
اعىمداعى جىلدىڭ 11 ايىندا 4184 وتباسىعا 2 469،104،0 مىڭ تەڭگە جانە جەرگىلىكتى بيۋدجەتتەن 949،408،0 مىڭ تەڭگە اتاۋلى الەۋمەتتىك كومەك تاعايىندالىپ، تولەنگەن. ونىڭ ىشىندە شارتتى – 3932 وتباسىعا نەمەسە 24243 ادامعا، شارتسىز – 252 وتباسىعا نەمەسە 1119 ادامعا اتاۋلى الەۋمەتتىك كومەك تاعايىندالىپ، تولەنگەن.
ش. دالدابەكوۆ اۋىل وكرۋگىنىڭ تۇرعىنى قالقاباي شيلمىرزايەۆ اتاۋلى الەۋمەتتىك كومەكتىڭ يگىلىگىمەن 456990 تەنگەگە 2 باس ساۋىندى سيىر ساتىپ الىپتى.
«اتاۋلى الەۋمەتتىك كومەكتىڭ يگىلىگىن كورىپ وتىرعانىمىز راس. 6 ايلىق الاتىن سومانى بىردەن العان بىزگە وتە ءتيىمدى بولدى. ەكى ساۋىندى سيىر الىپ، بالاشاعامىز اعارعانعا قول جەتكىزدى. الداعى ماقساتىمىز قورامىزداعى مال باسىن كوبەيتىپ، ەل قاتارلى ءومىر ءسۇرۋ. جالپى قارا مالدىڭ پايداسى كوپ»،- دەيدى قالقاباي شيلمىرزايەۆ.
اتاۋلى الەۋمەتتىك كومەككە قول جەتكىزگەندەردىڭ باسىم بولىگى جەتىساي قالاسى، قازىبەك بي، جاڭا اۋىل، ىنتىماق، جىلى سۋ، اتامەكەن، اسىك اتا، قىزىلقۇم، ماقتالى، اباي، ج. ەرالييەۆ، ش. دىلدابەكوۆ، قاراقاي اۋىل وكرۋگتەرىنىڭ تۇرعىندارى.
