اۋداندا جايىلىم جەردٸڭ تارلىعىنا قاراماستان شارۋالار جىلقى باسىن كٶبەيتۋدٸڭ ٶزٸندٸك ەسەبٸن تاۋىپ وتىر. سولاردىڭ بٸرٸ – ماقتالى اۋىل وكرۋگٸ جايلاۋكٶل ەلدٸمەكەنٸندەگٸ «س-تاستاناتا» شارۋا قوجالىعى. بٷگٸندە قوجالىق قوراسىندا 50 باس جىلقى بورداقىلانۋدا.
قوجالىق تٶراعاسى سوۆەت مۇساەۆتىڭ بۇل كەسٸپكە بەت بۇرعانىنا 7-8 جىلدىڭ جٷزٸ بولىپتى. قازٸرگٸ تاڭدا «س-تاستاناتا» شارۋا قوجالىعىندا 60-قا جۋىق جىلقى بار. مال باسىن ودان ەرٸ كٶبەيتۋگە اۋىلداعى ٷيٸرگەلٸك جەرلەردٸڭ كاداسترلىق نٶمەرٸنٸڭ جوقتىعى قولبايلاۋ بولىپ وتىر ەكەن.
«جىلقى سانىن جىل ساناپ ارتتىرىپ, تٸپتٸ 100-دەن اسىرىپ جٸبەرۋگە بولادى. الايدا شەكارا ٸرگەسٸندە ورنالاسقان اۋىلىمىزدا جايىلىمدىق جەر جوق. ونىڭ ٷستٸنە, ٷيٸرگەلٸك جەرٸمٸزدٸڭ كاداسترلىق نٶمەرٸ ەلٸ كٷنگە بەرٸلمەي وتىر. ەگەر اۋدان, اۋىل ەكٸمدٸكتەرٸ ٷيٸرگەلٸك جەرٸمٸزدٸ كارتاعا ەنگٸزٸپ, زاڭداستىرىپ بەرسە, جىلىنا 100 شاقتى جىلقىنى بورداقىلاپ, اۋدانىمىزدى جىلقى ەتٸمەن قامتاماسىز ەتٸپ وتىرۋعا شامامىز جەتەدٸ», — دەيدٸ سوۆەت تاستانۇلى.
بۇدان بٶلەك, مۇندا قۇنى 45 ملن تەڭگەگە پارا-پار 5 كٶكپار اتى باپتالۋدا. «كٶكپار اتىن ۇستاۋ — مەنٸڭ حوببيٸم» ,- دەيدٸ سوۆەت تاستانۇلى. مەسەلەن, وڭتٷستٸك جۇرتىنا «راكەتا» لاقاپاتىمەن تانىمال تۇلپارى تٷركٸمەننٸڭ «اقالتەكە» تۇقىمىمەن بودانداستىرىلعان ەكەن. 6 جاسار ايعىر بٷگٸندە وڭتٷستٸك جەرٸندەگٸ ٷلكەن كٶكپارلاردا ولجا سالىپ جٷر.
«بۇل تۇلپارىم جۋىردا عانا ٷلكەن كٶكپاردان ولجالى ورالدى. قازٸرگٸ تاڭدا بابى مەن باعى قاتار جانىپ جٷر. «سات» دەپ جاتقانداردىڭ قاتارى كٷن ساناپ ارتۋدا. مەن بۇل تۇلپارىمدى 10 ملن تەڭگە ۇسىنسا دا ساتپايمىن»,- دەيدٸ قوجالىق تٶراعاسى.
