West Oil Software كومپانيياسى ماڭعىستاۋ وبلىسى جەتٸباي كەنتٸندە جۇمىسشىلاردىڭ نارازىلىعىنا بايلانىستى مەلٸمدەمە جاساپ, نارازىلاردىڭ قويعان تالاپتارىنىڭ ورىندالۋىنا قارسى ەكەنٸن بٸلدٸردٸ.
كومپانييا جۇمىسشىلاردىڭ "قازمۇنايگاز" (قمگ) قۇرامىنا ٶتكٸزۋ جەنە جالاقىنى "قازمۇنايگازدىڭ" ەڭبەكاقىسىنا جٷيەسٸنە ساي تەڭەستٸرۋ تۋرالى تالاپتارى ورىندالمايدى دەپ وتىر.
جەتٸباي كەنتٸندە West Oil Software جۇمىسشىلارى بٸر اپتادان بەرٸ نارازىلىققا شىعىپ تۇر. جۇمىسشىلار West Oil كومپانيياسىن قمگ-نىڭ مەردٸگەرٸ Oil Transport corporation (وتك) بالانسىنا قوسۋ, بٸرىڭعاي تٶلەم جٷيەسٸن ەنگٸزۋ جەنە ماتەريالدىق-تەحنيكالىق بازانى جاڭارتۋدى تالاپ ەتەدٸ.
West Oil Software مەلٸمدەمەسٸندە ۇجىمدىق شارتتىڭ جەنە ەڭبەك زاڭناماسىنىڭ تالاپتارىن تولىق ورىنداپ وتىرعانىن, جۇمىسشىلارعا بەرەتٸن ەڭبەكاقى باسقا مۇناي سەرۆيس كەسٸپورىندارىنىڭ جالاقىسىنان ارتىق ەكەنٸن ايتادى.
West Oil Software مەلٸمدەمەسٸندە "وتك كومپانيياسىمەن 2027 جىلعا دەيٸن جاسالعان ۇزاق مەرزٸمدٸ كەلٸسٸمشارت بويىنشا ٶز مٸندەتتەمەلەرٸن ەرەۋٸلگە شىققان جۇمىسشىلاردىڭ قاتىسۋىمەن, بولماسا ولارسىز تولىق كٶلەمدە ورىنداۋعا نيەتتٸ" دەدٸ.
West Oil Software جۇمىسشىلاردىڭ ەرەۋٸلٸن "زاڭسىز" دەپ اتاپ, ەرەۋٸلگە بايلانىستى "مۇناي ۇڭعىمالارىندا اپات قاۋپٸ بار, بۇل قورشاعان ورتاعا جەنە ازاماتتاردىڭ دەنساۋلىعىنا زييان كەلتٸرۋٸ مٷمكٸن, سونداي-اق تاپسىرىس بەرۋشٸگە ەكونوميكالىق شىعىن كەلتٸرەدٸ" دەپ مەلٸمدەدٸ.
جەتٸبايداعى نارازىلىققا شامامەن 500 ادام قاتىسىپ جاتىر. نارازىلار قاقاعان ايازدا كٷنٸ-تٷنٸ دالادا تۇر. ولار تالاپتارى ورىندالمايىنشا تارامايتىنىن ايتادى. 17 جەلتوقساندا جەتٸبايعا ارنايى جاساق كٸرگٸزٸلگەنٸ حابارلانعان. نارازىلىقتان سوڭ جۇمىسشىلارعا قىسىم كٷشەيٸپ, بٸرنەشە ادام جۇمىستان شىعارىلعانى دا حابارلانعان.
نارازىلىققا شىققان جۇمىسشىلار 2018 جىلعا دەيٸن قمگ قۇرامىنا كٸرەتٸن كومپانييادا جۇمىس ٸستەپ, قمگ-نىڭ بٸرٸڭعاي ەڭبەكاقى تٶلەم جٷيەسٸنە ەنگەن ەدٸ. كەيٸن بۇل كومپانييا قمگ قۇرامىنان شىعىپ, جەكەشەلەندٸرٸلگەن.
