مينيستر ٶزٸ باسقاراتىن مينيسترلٸك پەن قر باس پروكۋراتۋراسىمەن تٸزە قوسىپ سىرتتان جۇمىس كٷشٸن تارتقان كەسٸپورىنداردا تەكسەرۋ جۇمىستارىن جٷرگٸزگەن. نەتيجەسٸندە بٸراز زاڭ بۇزۋشىلىقتار ەشكەرە بولىپتى.
بٷشٸندە بەلگٸلەنگەن كۆوتاعا ساي ەلٸمٸزدە جۇمىس ٸستەيتٸن 2 425 كومپانييا سىرتتان جۇمىس كٷشٸن تارتقان ەكەن. ٶز كەزەگٸندە مينيستر اتالعان كومپانييالاردا 531 مىڭ قازاقستاندىق جۇمىسشىلار دا ەڭبەك ەتەتٸنٸن تٸلگە تيەك ەتتٸ.
اتىراۋ وبلىسىنداعى «نەفتەسترويسەرۆيس لتد» جشس جەرگٸلٸكتٸ ينجەنەرلەردٸڭ بٸر ساعاتتىق جۇمىسىنا 568 تەڭگە تٶلەسە, دەل وسىنداي جۇمىستى اتقاراتىن شەتەلدٸك ماماننىڭ بٸر ساعاتتىق جۇمىسىنا 6 500 تەڭگە تٶلەگەن.
بۇل بارىپ تۇرعان سوراقىلىق. جۇمىس بەرۋشٸ ەڭبەكاقى تاعايىنداۋدا زاڭ تالابىن ەسكەرٸپ, جەرگٸلٸكتٸ جەنە شەتەلدٸك جۇمىس كٷشٸنە تەڭ قاراۋى تيٸس, – دەپ مينيستر قازاقستاندىق جۇمىسشىلاردىڭ بەكەرگە شىرىلداپ جٷرمەگەنٸن العا تارتقانداي بولدى.
سونىمەن قاتار مينيسترلٸك بٸر عانا اتىراۋ وبلىسىندا جىل باسىنان بەرٸ 364 جۇمىس كٷشٸن سىرت ەلدەردەن تارتقانىن العا تارتتى.
مينيسترلٸكتٸڭ باستاماسىمەن قولعا الىنعان تەكسەرۋ بٸراز جايتتى سۋ بەتٸنە شىعارعانداي بولدى.
جۇمىس بەرۋشٸلەردٸڭ جەرگٸلٸكتٸ مامانداردى بۇلايشا تٶمەندەتۋٸ قوعامدا ەلەۋمەتتٸك ارازدىق تۋدىراتىنى جاسىرىن ەمەس. سوندىقتان مۇنداي تەكسرەۋلەردٸ مينيسترلٸك قۇزىرلى ورگاندارمەن بٸرلەسٸپ التى اي سايىن ٶتكٸزٸپ, نەتيجەسٸن جۇرتشىلىققا جارييالاپ تۇرسا, بەتٸمەن كەتكەن كومپانييالار تەۋباسىنا كەلەرٸ انىق. بۇل بٸر جاعىنان ەلٸمٸزدە ەدٸلدٸك ورناپ, جەرگٸلٸكتٸ جۇمىسشىلاردىڭ قۇقىنىڭ قورعالۋىنا نەگٸز بولار ەدٸ.
ن.ەۋبەكٸر
