قازاق حالقىن جالقاۋ, قولىنان ٸس كەلمەيتٸن بويكٷيەز دەپ جاتادى. وعان تولىق كەلٸسپەيمٸن. جۇرتتىڭ كٶبٸن قالاعا كٶشۋگە مەجبٷرلەگەن ٷكٸمەتتٸڭ جاساعان قاتە ساياساتى. بەلەن گەكتار القاپتى 49 جىلعا دەپ جالعا الىپ العان باي-ماناپتار ول جەردٸ نە ٶزدەرٸ پايدالانبايدى, نە ٶزگەنٸڭ پايداسىنا بەرمەيدٸ. 5-10 تۇياق مالىن جاقسىلاپ باعىپ, سانىن دا, ساپاسىن دا ٶسٸرٸپ العان سوڭ, ونى باعاتىن جەر تارىلادى, ساتىپ جٸبەرٸپ, قالاعا قاراي اۋادى.
تٷپكٸ سەبەپ نە?
قىسقاشا ايتقاندا, بٸزدٸڭ جابايى كاپيتاليستٸك قوعامدى ەپەرباقان «مافييالىق جٷيە» ۋىسىندا ۇستايدى. بٸر-بٸرٸمەن جالعاسقان قۇدا-جەكجات, ناعاشى-جيەن, نەمەرە باۋىرلىق توپقا ۇيىسقان, قولىندا اقشاسى, استانادا مينيستر-دەپۋتات تۋىسى بار ازعانتاي قالتالى توپ كٶپ قازاقتىڭ ەرٸ قاراي جۇمىس جاساۋىنا مٷمكٸندٸك بەرمەيدٸ (وعان سولتٷستٸك ٶڭٸرلەردەگٸ ورىستار مەن ٶزگە دە ۇلتتار قوجالىق ەتەتٸن ٸرٸ القاپتاردى قوسىڭىز).
ۇن مەن جەم مەنەرلەيتٸن دٸيرمەن سالادى, ونىسىن جٷرگٸزبەيدٸ. مال بورداقىلايتىن شارۋا قوجالىعىن قۇرادى, ونىڭ بازارى جوق (بار, بٸراق, جوق...). ٷكٸمەتتٸڭ 25 جىل بويى سالعىرت, نەمكەتتٸ جٷرگٸزگەن ەلسٸز ساياساتىنىڭ كەسٸرٸنەن قانشاما جەردٸڭ يەسٸ بولسا دا پايدالانىلماي, نە ەگٸن ەگٸلمەي, نە مال باعىلماي جاۋ شاقىرعان بٸر سەبەبٸ وسىندا جاتىر. قايسار قازاق سوندا دا جاۋىن اراسىنان جول تاۋىپ, ەپتەپ كٷنٸن كٶرٸپ كەلگەنٸمەن, قازاق ەلٸندە ۇلتتىق بۋرجۋازييانىڭ تولىق قالىپتاسپاعان سەبەبٸ سول. بايلىق ازعانتاي توپتىڭ قولىنا ٶتٸپ, قارا حالىقتىڭ بٸر نانعا زار بولىپ وتىرۋىنىڭ ارعى سەبەبٸ – مەملەكەتتەگٸ قانشاما قۇنارلى ەگٸستٸك ھەم جايلىمدى جەرلەردٸڭ بوس تۇرۋىنا الىپ كەلدٸ. جەردٸ ساتۋ مەن جالعا بەرۋ توقتاتىلىپ, ونى قالاي پايدالانۋ جٶنٸندە تىڭ ٶزگەرٸستەر مەن نەتيجە بەرەر جوسپارلار تٷزٸلسە قازاقتىڭ الدىنا قازى-قارتاسى مەن مايلى توقاشى قايتا ورالار ەدٸ...
ۇلاربەك دەلەيۇلى
