پارلامەنت مٸنبەرٸندە ٶزٸنٸڭ ساياسي باعدارلاماسىن جارييا ەتكەن ساياساتكەر كۋريل ارالدارىنا قاتىستى جەر داۋىن شەشۋگە باسىمدىق بەرەتٸنٸن اتاپ ٶتتٸ.
"سولتٷستٸك تەرريتورييالار تٶڭٸرەگٸندەگٸ مەسەلەلەردٸڭ باسىن اشىپ العانىمىز جٶن, تەك سودان كەيٸن عانا رەسەيمەن بەيبٸت كەلٸسٸمگە قول قويۋدى تالقىلايتىن بولامىز", – دەدٸ ول.
كيسيدا تەرريتوريياعا قاتىستى جاپونييا تالابى تولىق ورىندالمايىنشا رەسەيمەن ارادا بٸتٸم ورناماسىن كەسٸپ ايتتى.
7 قازاندا رەسەي پرەزيدەنتٸ ۆلاديمير پۋتينمەن تەلەفون ارقىلى تٸلدەسكەن كيسيدا كۋريل ارالدارىنا قاتىستى ٶز كٶزقاراسىن ورتاعا سالعان.
كيسيدا وڭتٷستٸك كۋريلدە ورنالاسقان - كۋناشير, شيكوتان, حابوماي جەنە يتۋرۋپ ارالدارىن جاپونيياعا قايتارۋدى تالاپ ەتكەن.
"تٶرت ارال دا بٸزدٸڭ ەلگە تيەسٸلٸ. بٸز بۇل پوزيتسييامىزدان تايمايمىز. رەسەيمەن اراداعى كەلٸسسٶز تەك وسى باعىتتا ٶربيدٸ", – دەپ اتاپ ٶتكەن ەكەن جاپون ساياساتكەرٸ.
ايتا كەتەلٸك 1855 جىلعى ەكٸجاقتى ساۋدا-ساتتىق جەنە شەكارا تراكتاتىنىڭ تالابىنا ساي جاپونييا - كۋناشير, شيكوتان, حابوماي جەنە يتۋرۋپ ارالدارىنا يەلٸك ەتۋگە قۇقىلى.
ەكٸنشٸ دٷنيەجٷزٸلٸك سوعىستان كەيٸن كسرو-مەن بٸتٸمگە كەلگەن توكيو, بەيبٸت كەلٸسٸمنٸڭ ٶتەۋٸ رەتٸندە – ارالداردى جاپونييا قۇرامىنا قايتارۋعا قاتىستى شارت قويعان, الايدا تالاپ ەلٸ كٷنگە دەيٸن ورىندالعان جوق.
1956 جىلى كسرو جەنە جاپونييا ديپلوماتتارى قايتادان ٷستەل باسىنا جينالادى. كەلٸسسٶز نەتيجەسٸندە مەسكەۋ توكيوعا تٶرت ارالدىڭ تەك ەكەۋٸن قايتارىپ بەرۋگە كٶنەدٸ. الايدا جاپونييا تارابى بۇل ۇسىنىستى قابىل المايدى. سەبەبٸ كسرو بيلٸگٸ العاشقىداعى سەرتٸنەن تايقىپ كەتكەن ەدٸ.
پۋتيندٸك رەسەيدٸڭ قازٸرگٸ ۋەجٸ: "ەكٸنشٸ دٷنيەجٷزٸلٸك سوعىستان كەيٸن اتالعان ارالدار كسرو قۇرامىنا ٶتتٸ, ولاردىڭ رەسەيگە تيەسٸلٸ ەكەن داۋ تۋعىزبايدى" دەگەنگە سايادى.
كرەمل ماڭىنداعى ساراپشىلاردىڭ تۇسپالداۋىنشا ارال تاعدىرىنا قاتىستى جاپونييا پرەمەرٸمەن ٶتەتٸن ماڭىزدى تالقىلاۋدا پۋتين وسى ۇستانىمدا تۇرۋى تيٸس.
