امانقوستا كٶپشٸلٸك سيياقتى انگليياداعى جۇمىس تۋرالى تيك-توك جەلٸسٸنەن بٸلگەن جەنە ٶزگە قازاقستاندىقتار سيياقتى ول دا دەلدالدارعا اقشا بەرٸپ, بٸراز ەبٸگەرگە تٷسكەن.
Dalanews.kz انگلييا فەرماسىنداعى جۇمىس جايلى ياسساۋيدەن, سونداي-اق, 2018 جىلدان بەرٸ تمد تۇرعىندارىنا ەۋروپادان جۇمىس تاۋىپ بەرۋمەن اينالىساتىن AGRI-HR كومپانيياسىنىڭ ٶكٸلٸنەن مەلٸمەت سۇرادى. سەبەبٸ سوڭعى كەزدەرٸ ارنامىزعا انگليياداعى جۇمىس تۋرالى ماتەريال جارييالاۋىمىزدى سۇراعان وقىرمان سانى كٷرت ٶسٸپ كەتتٸ.
ساعاتىنا 6 مىڭ تەڭگەدەن الامىز
ياسساۋي انگليياعا AGRI-HR سايتى ارقىلى دوسىمەن بٸرگە كەلگەن.
«الدىمەن سايتقا تٸركەلدٸك, سودان سوڭ ەكٸ ايدان كەيٸن وفلاين سۇحباتتاسۋعا بارىپ, تاعى كٷتتٸك. وسى ارالىقتا كومپانييادا سوت ٸسٸ جٷرٸپ, بٸز رەزەرۆكە تٷسٸپ قالدىق. سەگٸز جارىم ايدان كەيٸن Ware-Farms دەگەن فەرماعا كەلدٸك, ورنالاسقان مەكەن-جايى فرانتسيياعا جاقىن جەردەگٸ اش قالاسىندا. دوسىم ەكەۋمٸزدٸڭ جولىمىز بولىپ, وسىنداعى فەرمالاردىڭ ەڭ جاقسىسىنا تٷستٸك.
سەبەبٸ تەۋلٸگٸنە 8 cاعاتتان بەس كٷن عانا جۇمىس ٸستەپ, ەكٸ كٷن دەمالامىز. جۇما كٷنٸ قىسقا جۇمىس كٷنٸ سانالاتىندىقتان 7 ساعات قانا ٸستەيمٸز. ەر جۇمىس ساعاتىنا 6 مىڭ تەڭگەدەن الامىز.
العاشىندا قارا ٶرٸك تەردٸك, كەيٸننەن المۇرت, قازٸرگٸ تاڭدا الما جيناۋمەن اينالىسامىز», - دەدٸ ول.
جۇمىسقا تۇرۋ ٷشٸن قانشا قاراجات قاجەت?
ياسساۋيدەن كومپانييا سوتتىلىقتىڭ بولماۋى, دەنساۋلىققا قاتىستى انىقتامالاردى سۇراعان.
«قۇجات تولتىرۋ بارىسىندا تسيفرلار, اتى-جٶن جازۋدان ەشقانداي قاتەلٸك بولماعانى جٶن. جۇمىسقا كەلۋٸڭٸز ٷشٸن شامامەن 600-800 مىڭ تەڭگە ارالىعىندا قاراجاتىڭىز بولۋى تيٸس. ونىڭ 155 مىڭى ۆيزاعا, بيلەتٸڭٸزگە كەتەدٸ. ۇشۋ بيلەتٸن ۆيزا بەرگەنٸنە وراي الاسىز. كەرٸ قايتۋ بيلەتٸن ٷش اي بۇرىن الساڭىز ارزانداۋ شىعادى.
العاشقى ۋاقىتتا تاكسيٸڭٸز, تاماعىڭىزعا, جٷرٸپ-تۇرعانىڭىزعا 60 مىڭ تەڭگەدەي قاجەت. كەلگەننەن سوڭ فەرما يەلەرٸ ٶزدەرٸ كٷتٸپ الىپ, تٸركەۋدەن ٶتكٸزەدٸ. كەيٸننەن جۇمىس بارىسىن تانىستىرادى.
فەرمامىز كٸشكەنتاي, قازٸر ون شاقتى ادام بارمىز, سونىڭ جەتەۋٸ قازاق. سۋپەرۆايزەرلەرٸمٸز بار.
ايلىقتى اپتا سايىن بەرەدٸ, كاراۆانعا ايىنا 150-160 مىڭ تەڭگە تٶلەيمٸز. كاراۆان دەگەنٸمٸز دٶڭگەلەگٸ بار بۋتكا, ازىق-تٷلٸك ارزان. ەكٸ ادام اپتا سايىن تاماعىمىزعا 15-20 مىڭ تەڭگە جۇمسايمىز.
ايلىق اپتاسىنا 200-400 مىڭنىڭ اراسىندا شىعادى, وعان قوسا بونۋستارى بار.
كەيدە اۋا-رايى جاڭبىرلى بولىپ, كٷن سالقىن كەزدەرٸ جۇمىسقا شىقپاي قالاتىن كٷندەر بولادى. ٶنٸمدٸ كٶپ جيناعان كٷندەرٸ 90 مىڭ تەڭگەگە دەيٸن العان كەزدەرٸمٸز بار», - دەدٸ كەيٸپكەرٸمٸز.
دەلدالدارعا الدانىپ قالماڭىز, ٶتٸنٸشتٸ ٶزٸڭٸز دە بەرە الاسىز
جاستارعا انگلييا حالقىنىڭ قوناقجايلىعى, ادامدارىنىڭ ٸشكٸ مەدەنيەتٸنٸڭ جوعارىلىعى ۇناعاندارىن جاسىرمادى.
«مۇندا ەمٸن-ەركٸن جٷرمٸز, زاڭدا قاتتى قاتال ەمەس, باستىقتارى دا جاقسى. بٸزگە مەنسٸنبەۋشٸلٸك تانىتىپ, جاقتىرماعاندارىن بايقاعان ەمەسپٸن. تابيعاتى ەدەمٸ, كٶك كٶپ, اۋاسى تاپ-تازا. بەس ساعات ۇيىقتاساق دا سەرگەك, شارشاماي تۇرامىز. تٸل جاعىنان قيىندىق جوق, سۋپەرۆايزەرلەردٸڭ باسىم كٶپشٸلٸگٸ بولگارلار بولعاندىقتان ورىسشا سٶيلەسە بەرەمٸز. اعىلشىنىڭىز جاقسى بولسا بونۋستار بار, سۋپەرۆايزەر بولىپ جٷرۋگە دە بولادى.
مۇندا كەلگٸسٸ كەلەتٸن وتانداستارىما ايتارىم, تەك رەسمي سايتتار ارقىلى انكەتا تولتىرىپ, كەلٸسٸمشارت جاساڭىزدار. ورتاداعى جەكە كەسٸپكەر, دەلدال دەگەندەرگە سەنبەڭٸزدەر.
ولار دەل سول سايتتارعا سٸزدٸڭ اتىڭىزدان ٶتٸنٸش بەرەدٸ, ونى ٶزٸڭٸز دە تەگٸن جاساساڭىز بولادى. بٸزدە سايتتا تٸركەۋگە 90 مىڭ تەڭگە بەرٸپ ۇرىنعانبىز. ميلليون تاباسىزدار دەپ دەلدالدىق قىزمەتتەرٸنە 700 مىڭ تەڭگە الىپ جاتقاندار كٶپ...», - دەدٸ ول.
تٸزەرلەپ جٷرٸپ ورامجاپىراق تەرەسٸز...
Dalanews.kz ياسساۋيدەن بارعان جۇمىسشىلار فەرمالاردا قانداي قيىندىقتارعا تاپ بولاتىنىن دا سۇرادى.
«مۇندا ٶتە قيىن فەرمالار دا بار, ەكٸ كٷن ٸستەپ قاشىپ كەتكەندەردٸ ەستٸپ جاتىرمىز. تاڭعى تٶرت جارىمنان باستاپ تەۋلٸگٸنە 12 ساعاتتان جۇمىس ٸستەتەدٸ.
وسىنداي اۋىر فەرمالارعا تٷسٸپ قالعان قىز-جٸگٸتتەر شىداماي ەلگە قايتىپ كەتەدٸ. سۋپەرۆايزەرلەر ٶزدەرٸنٸڭ بونۋستارىن الۋ ٷشٸن نورمادان تىس جۇمىسقا سالىپ جاتادى. تٸزەرلەپ جٷرٸپ ورامجاپىراق تەرەسٸز, تراكتور جٷرٸپ وتىرادى, سٸز ولاردى كەسٸپ ٷلگەرۋ كەرەكسٸز. نورمانى ورىنداماساڭىز ەكٸ ٷزٸلٸستەن كەيٸن سٸزدٸ ٷيٸڭٸزگە قايتارىپ جٸبەرٸپ, ەرتەسٸ جۇمىسقا شىعارماي قويادى. جاڭبىردا, بالشىق پەن لايدا دا جۇمىس ٸستەتەدٸ. ورامجاپىراق, قۇلپىناي جينايتىندار اۋا-رايىنا قارامايدى.
بٸر جاقسىسى, بٸزدە المانى جاڭبىرلى كٷندەرٸ جيناتپايدى. كەي فەرمالاردا تاڭعى بەستە جۇمىس باستالاتىن بولسا, تاڭعى تٶرت جارىمدا تۇرىپ اۆتوبۋسقا دايىندالادى. كەشكٸ بەستە كەلٸپ تاماق جاسايدى دا, ۇيقىعا جاتادى. كٷن سايىن وسى رەجيم قايتالانا بەرەدٸ. «اقشا تابۋ كەرەك, ەلدەگٸ يپوتەكالاردى جابۋ كەرەك» دەپ ٶزٸن سىندىرىپ الىپ جاتقاندار دا جوق ەمەس.
بٸر فەرما ۇناماسا, سٸزدٸ جٸبەرگەن كومپانييا ٶكٸلدەرٸنە جاعدايىڭىزدى تٷسٸندٸرٸپ باسقاسىنا اۋىسۋعا بولادى. جالپى مۇنداي قيىندىقتان قورىقپاي كەلە بەرگەن جٶن.
بەرٸ تەجٸريبە. ونىڭ ٷستٸنە قازٸر ٶزبەكستاندىقتارمەن, رەسەيلٸكتەرمەن بۇل جاقتاعىلار جۇمىس ٸستەمەيدٸ. سوندىقتان جاقسى اقشا تابۋعا مٷمكٸندٸك قاشاندا بار»,-دەپ اياقتادى ول ەڭگٸمەسٸن.
جۇمىسشى فەرماعا ورنالاسقانشا تەگٸن قىزمەت كٶرسەتەمٸز
مەملەكەتتٸك باعدارلاما اياسىندا جۇمىس ٸستەيتٸن اgri-hr كومپانيياسىنىڭ مەنەدجەرٸ (تەلەفون نٶمٸرٸ تٶمەندە) Dalanews-تٸڭ سۇراقتارىنا قىسقا جەنە ناقتى جاۋاپ بەردٸ .
سايتقا كەز كەلگەن كەمەلەت جاسىنا تولعان ادام ٶتٸنٸش بەرٸپ, باعدارلاما قاتىسۋشىسى بولا الادى. سونداي-اق, كومپانييا قىزمەتٸنە اقى الاتىن دەلدالدار مەن جەكە مەنشٸك فيرما ٶكٸلٸ رەتٸندە قىزمەت ۇسىناتىندارعا سەنبەۋگە شاقىردى.
– بٸرٸنشٸ قادام, اقپاراتپەن تانىسىپ, جۇمىسقا ونلاين ٶتٸنٸمدٸ تولتىرۋىڭىز كەرەك. ەكٸنشٸ قادام, جۇمىسقا قابىلداۋ مەنەدجەرٸ تەلەفون ارقىلى سۇحبات جٷرگٸزەدٸ جەنە سۇراقتارعا جاۋاپ بەرەدٸ.
ٷشٸنشٸ قادام, جۇمىسقا ورنالاسۋ ٷشٸن سوتتىلىقتىڭ جوقتىعى تۋرالى انىقتاما, دەنساۋلىق جاعدايى تۋرالى انىقتاما, فوتو جەنە شەتەلدٸك پاسپورت قاجەت.
تٶرتٸنشٸ كەزەڭدە, بٸز ٶتٸنٸم بەرۋشٸنٸ سۇحباتقا شاقىرامىز.
سۇحباتتا قۇجاتتاردى, باسقا ەلگە بارۋعا جالپى دايىندىقتى تەكسەرەمٸز, ساۋساق ەپتٸلٸگٸنە تەست ٶتكٸزەمٸز.
بەسٸنشٸ كەزەڭ, جۇمىس ۆيزاسىن الۋعا ارنالعان نىساندى تولتىرۋعا كٶمەكتەسەمٸز. ايتا كەتەتٸنٸ, ۇلىبريتانييا ەلشٸلٸگٸندە سۇحباتتاسۋدان ٶز بەتٸڭٸزشە ٶتەسٸز. سوڭعى كەزەڭدە بيلەتتەردٸ ساتىپ الۋعا كٶمەكتەسەمٸز جەنە ساپار تۋرالى تولىق اقپارات بەرەمٸز, فەرماعا ورنالاسۋىڭىزعا دەيٸنگٸ كەزەڭدٸ باقىلاپ وتىرامىز.
جۇمىسقا ورنالاسۋدىڭ جالپى شىعىنى
– جۇمىس ۆيزاسى (Tier 5) - 246 فۋنت ستەرلينگ (147 مىڭ تەڭگە). بٸز ٶتٸنٸش بەرۋ پروتسەسٸندە كٶمەكتەسەمٸز جەنە ۆيزالىق اگەنتتٸككە اقپارات بەرۋگە قولداۋ كٶرسەتەمٸز.
ۆيزا الۋ پروتسەسٸن اياقتاۋ ٷشٸن سٸزگە ۆيزا اگەنتتٸگٸنە بارۋ كەرەك. بٸر باعىتقا ۇشۋ شامامەن 270 000 تەڭگە.
ەۋەجايدان فەرماعا جول جٷرۋ 40-50 فۋنت (27 000 تەڭگە). سٸز بٸزدەن ساپاردى جوسپارلاۋ ٷشٸن ەگجەي-تەگجەيلٸ مارشرۋت كارتاسىن الاسىز.
بٸز فەرماعا كەلگەنگە دەيٸن جۇمىسشىمەن ٷنەمٸ بايلانىستا بولامىز. العاشقى 2 اپتاداعى جاتىن ورنى, تاماققا 200 فۋنت ستەرلينگ (116000 تەڭگە) اقشاڭىز بولۋى تيٸس. بٸراق جۇمىسشىلاردىڭ ايلىقتارىن بٸر اپتادان كەيٸن تٶلەيدٸ.
Dalanews انىقتاماسى - انگلييادا جۇمىسقا ورنالاستىرۋعا مەملەكەتتٸك باعدارلاما اياسىندا كٶمەكتەسەتٸن تەگٸن سايتتار: Agropraktika, Osradek-Hr, Agri-HR (كومپانييا مەنەدجەرٸنٸڭ تەلەفونى +79995624458), Pro-force.
ايجان قاليەۆا
