الماتى وبلىسىنىڭ مەملەكەتتىك قىزمەت جانە سىبايلاس جەمقورلىقتىڭ الدىن الۋ سالاسى قىزمەتكەرلەرى اعىمداعى جىلدىڭ ءى توقسانىنداعى اتقارىلعان قىزمەت پەن بولاشاققا قۇرعان جوسپارلار جايلى ءسوز قوزعالدى. سونداي-اق، وبلىستاعى سىبايلاس جەمقورلىققا قارسى ساياساتتىڭ ىسكە اسىرۋداعى باسىم باعىتتار ايتىلدى. بۇل تۋرالى وڭىرلىك كوممۋنيكاسيالار قىزمەتى الاڭىندا بەلگىلى بولدى.

مەملەكەت ەلباسىنىڭ العا قويعان مىندەتتەرىنە سايكەس، سىبايلاس جەمقورلىققا قارسى ءىس-قيمىل سالاسىنداعى مەملەكەتتىك ساياساتتى ىسكە اسىرۋ بويىنشا كەزەڭ-كەزەڭمەن، ساپالى تۇردە جانە ويلاستىرىلعان شارالار قابىلدانادى. بۇل رەتتە بارلىق كۇش جەمقورلىققا قارسى جانە ونىڭ بارلىق كورىنىستەرىنە قارسى ازاماتتار مەن مەملەكەتتىڭ مۇددەلەرىن قورعاۋعا باعىتتالعان.

– بۇگىنگى تاڭدا الماتى وبلىسىندا ۇلت جوسپارىن جۇزەگە اسىرۋ بويىنشا ءبىرشاما جۇمىستار جۇرگىزىلۋدە. ۇلت جوسپارىنا سايكەس 3 كەزەڭنەن تۇراتىن بايقاۋعا مەملەكەتتىك قىزمەتكە دەگەن قىزىعۋشىلىقتىڭ ارتقانى بەلگىلى. ويتكەنى، قازاقستاندىق مەملەكەتتىك قىزمەت ساياساتى مەريتوكراتيا قاعيداسىنا نەگىزدەلگەن. بۇل دەگەنىمىز – مەملەكەتتىك قىزمەتكە كىرۋ تومەنگى لاۋازىمداردان باستالادى جانە قىزمەتشىنىڭ جەكە سىڭىرگەن ەڭبەكتەرى مەن جەتىستىكتەرىنە، ونىڭ قابىلەتتەرى مەن كاسىبي دايارلىعىنا سايكەس مەملەكەتتىك قىزمەتتە ودان ءارى جوعارىلاي الادى، – دەيدى ق ر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ الماتى وبلىسى بويىنشا دەپارتامەنتىنىڭ باسشىسى سەرىكباي نۇرعيسايەۆ.

جيىندا سونىمەن قاتار، سىبايلاس جەمقورلىققا قارسى ءىس-قيمىل ۇلتتىق بيۋروسىنىڭ الماتى وبلىسى بويىنشا دەپارتامەنت باسشىسىنىڭ مىندەتىن ۋاقىتشا اتقارۋشى د.م. تۇرعانبايەۆ دەپارتامەنت بويىنشا اتقارىلعان ىستەرگە توقتالىپ ءوتتى.

– اعىمداعى جىلدىڭ وتكەن كەزەڭىندە دەپارتمەنتپەن 64 قىلمىستىق قۇقىق بۇزۋشىلىقتار تىركەلدى، ونىڭ ىشىندە 70%-دان استامى سىبايلاس جەمقورلىققا قاتىستى بولىپ تابىلادى. اياقتالعان قىلمىستىق ىستەر بويىنشا جالپى شىعىن 99،4 ميلليون تەڭگەنى قۇراپ، 96 ميلليون تەڭگەسى وتەلىندى. سىبايلاس جەمقورلىق قىلمىس ءۇشىن – 18 تۇلعا، سونىڭ ىشىندە باسشىلار  4 تۇلعا قىلمىستىق جاۋاپكەرشىلىككە تارتىلدى. بۇل دەگەنىمىز كەز-كەلگەن قىزمەتتە وتىرعان ادام ءۇشىن ۇلكەن ساباق بولادى، – دەيدى ول.

بۇگىندە مەملەكەتتىك قىزمەتشىنىڭ ادەبى مەن مىنەز-قۇلىق ماسەلەلەرىنە ۇلكەن ءمان بەرىلەدى. سوندىقتان، جاستار اراسىندا مەملەكەتتىك قىزمەتتىڭ وڭ ءيميدجىن قالىپتاستىرۋ، بولاشاق مەملەكەتتىك قىزمەتشىلەردىڭ پۋلىن جاساقتاۋ، قۇقىقتىق مەملەكەتتى ودان ءارى دامىتۋ ىسىندە بەلسەندى جاستاردى تاربيەلەۋ ماقساتىندا سىبايلاس جەمقورلىققا قارسى ءىس-قيمىل اگەنتتىگىنىڭ قولداۋىمەن ءى.جانسۇگىروۆ اتىنداعى جەتىسۋ مەملەكەتتىك ۋنيۆەرسيتەتى جانىنان «جەتىسۋ» مەملەكەتتىك قىزمەت مەكتەبى اشىلدى. وندا بىلىمگەرلەر تەك ءدارىس قانا ەمەس، تاجىريبە دە الا الادى.

جيىن سوڭىندا ق ر پرەزيدەنتىنىڭ جانىنداعى مەملەكەتتىك باسقارۋ اكادەمياسىنىڭ الماتى وبلىسى بويىنشا فيليالىنىڭ ديرەكتورى شاكيشيەۆ قازبەك تە 2018 جىلدىڭ ءبىرىنشى توقسانىندا جەرگىلىكتى اتقارۋشى ورگاندار مەن ورتالىق مەملەكەتتىك ورگانداردان 247 مەملەكەتتىك تىڭداۋشى وقۋدان وتكەنى جايلى ايتىپ ءوتتى.