جەلتوقسان وقيعاسىنا قاتىسقان اقتٶبەلٸك تۇرعىن 39 جىلدان كەيٸن اقتالىپ شىقتى, دەپ حابارلايدى Dalanews.kz.
اقتٶبە قالاسىنىڭ تۇرعىنى 1984 جىلى گۋرەۆ وبلىستىق پارتييا كوميتەتٸ مەن ماقات لوكوموتيۆ دەپوسى كەسٸپوداق كوميتەتٸنٸڭ جولداماسىمەن قازاق مەملەكەتتٸك ۋنيۆەرسيتەتٸنٸڭ دايىندىق بٶلٸمٸنە وقۋعا تٷسەدٸ. 1985 جىلى وسى ۋنيۆەرسيتەتتٸڭ فيلوسوفييا جەنە ەكونوميكا فاكۋلتەتٸنٸڭ ستۋدەنتٸ اتانعان.
الايدا, ونى 1986 جىلى قوعامدىق تەرتٸپتٸ بۇزدى دەگەن ايىپپەن ۋنيۆەرسيتەتتٸڭ ەكٸنشٸ كۋرسىنان شىعارعان. ونىڭ وقۋدان شىعارىلۋىنا 1986 جىلى 18 جەلتوقساندا جەلتوقسان وقيعاسىنا قاتىستى دەگەن كٷدٸكپەن قۇقىق قورعاۋ ورگاندارى قىزمەتكەرلەرٸنٸڭ ايىپ تاعۋسىز ۇستالۋى سەبەپ بولعان.
كەيٸن بوساتىلعانىمەن ستۋدەنت كوكپ قاتارىنان شىعارىلىپ, قۋعىن-سٷرگٸنگە ۇشىراپ, جۇمىسقا تۇرا الماعان. سول ۋنيۆەرسيتەتتٸڭ فيلوسوفييا فاكۋلتەتٸن بٸتٸرگەن ونىڭ ەيەلٸ دە وسىنداي سەبەپتەرمەن جۇمىسقا ورنالاسا الماي, تٷرلٸ كەدەرگٸلەرگە كەزدەسكەن. 1990–1993 جىلدارى ولاردىڭ ٷش كٸشكەنتاي بالاسى بار وتباسى باسپانانى جالعا الۋعا مەجبٷر بولعان جەنە ەلەۋمەتتٸك جاعىنان وسال جاعدايعا تاپ بولعان.
2025 جىلى جەلتوقسان وقيعاسىنىڭ كۋەگەرٸ 64 جاستاعى ازامات 1986 جىلعى الماتىداعى جەلتوقسان وقيعاسىنا قاتىسۋىنا بايلانىستى ساياسي قۋعىن-سٷرگٸن فاكتٸسٸن تانۋ تۋرالى سوتقا تالاپ قويۋمەن جٷگٸنگەن.
اقتٶبە قالالىق No3 سوتى ٸستٸ زەرتتەي كەلە, ارىزدانۋشىنىڭ شىنىمەن دە 1986 جىلعى جەلتوقسان وقيعاسىنا قاتىسقانىن جەنە ساياسي قۋدالاۋعا, ونىڭ ٸشٸندە ەڭبەك قۇقىقتارىن شەكتەۋگە ۇشىراعانىن انىقتاعان. بۇل مەن-جايلار ۋنيۆەرسيتەت پەن الماتى قالالىق پروكۋراتۋراسىنىڭ ارحيۆتٸك انىقتامالارىمەن, سونداي-اق كۋەلەردٸڭ ايعاقتارىمەن راستالعان.
ازاماتتىق پروتسەستٸك كودەكسٸنٸڭ 306-بابىن جەنە «جاپپاي ساياسي قۋعىن-سٷرگٸن قۇرباندارىن اقتاۋ تۋرالى» زاڭنىڭ 2-بابىن باسشىلىققا الا وتىرىپ, سوت تالاپ قويۋشىنى 1986 جىلعى وقيعاعا بايلانىستى ساياسي قۋعىن-سٷرگٸن قۇربانى دەپ تانىدى.
سوتتىڭ شەشٸمٸ زاڭدى كٷشٸنە ەندٸ.
