الەۋمەتتىك جەلىدە اتىراۋ وبلىسىنىڭ جىلىوي اۋدانىندا كوزگە تۇسكەن اسكەري تەحنيكا قىزۋ تالقىلانىپ جاتىر. وسىعان بايلانىستى قورعانىس مينيسترلىگى رەسمي مالىمدەمە جاساپ، جاعدايدىڭ ءمان-جايىن ءتۇسىندىردى، دەپ حابارلايدى Dalanews.kz.
الەۋمەتتىك جەلىلەردە تەمىرجول جانە اۆتوجول ارقىلى قوزعالىپ جاتقان اسكەري تەحنيكانىڭ ۆيدەوسى مەن فوتوسى كەڭىنەن تارادى. بۇل كورىنىس كوپشىلىك اراسىندا ءتۇرلى بولجامنىڭ تۋىنداۋىنا سەبەپ بولدى.
قورعانىس مينيسترلىگىنىڭ مالىمەتىنشە، اتالعان قوزعالىس جوسپاردان تىس ەمەس. ۆەدومستۆو وكىلدەرى بۇل اۋە شابۋىلىنا قارسى قورعانىس بولىمشەلەرىنىڭ جاۋىنگەرلىك دايارلىق اياسىنداعى جوسپارلى ورىن اۋىستىرۋى ەكەنىن اتاپ ءوتتى.
رەسمي حابارلامادا بولىمشەلەردىڭ موبيلدىلىگىن ارتتىرۋ، ءوزارا ۇيلەسىمدىلىگىن جەتىلدىرۋ جانە قويىلعان مىندەتتەردى ورىنداۋعا دايىندىق دەڭگەيىن كۇشەيتۋ جۇمىستارى جۇرگىزىلىپ جاتقانى ايتىلعان. سونداي-اق ماڭىزدى نىساندار مەن اۋماقتاردى قورعاۋ ماسەلەلەرى دە پىسىقتالىپ جاتىر.
مينيسترلىك مۇنداي وقۋ-جاتتىعۋلار قارۋلى كۇشتەردىڭ كۇندەلىكتى تاجىريبەسىنە جاتاتىنىن جانە بەكىتىلگەن جوسپارعا سايكەس وتەتىنىن مالىمدەدى.
قورعانىس مينيسترلىگى تۇرعىنداردى جانە ب ا ق وكىلدەرىن تەكسەرىلمەگەن اقپاراتتى تاراتپاۋعا شاقىرىپ، تەك رەسمي دەرەككوزدەرگە سۇيەنۋ قاجەتتىگىن ەسكەرتتى.
