سوڭعى جىلدارى ەلٸمٸزدە جەكەمەنشٸك مەكتەپتەر بٸلٸم بەرۋ سالاسىندا مەملەكەتتٸك مەكتەپتەرمەن بەسەكەگە تٷسە باستادى. جەكەمەنشٸك مەكتەپتەردٸڭ وقۋ باعدارى وقۋ اعارتۋ مينيسترلٸگٸنٸڭ تولىق باقىلاۋىندا ەكەنٸن بٸلەمٸز. بۇل ەلٸمٸزدٸڭ بٸلٸم سالاسىنىڭ بٸرتۇتاستىعى ٷشٸن ماڭىزدى جايت. قازٸرگٸ تاڭدا ٷكٸمەت جەكەمەنشٸك مەكتەپتەرگە قارجىلاي كٶمەك كٶرسەتٸپ, ەلٸمٸزدٸڭ بٸلٸم سالاسىن زامان تالابىنا ساي دامۋىنا جاعداي جاساۋدا. بۇل رەتتە مەملەكەتتٸڭ بٶلگەن قاراجاتى «اقشا وقۋشىمەن بٸرگە جٷرەدٸ» قاعيداسى بويىنشا جۇمسالۋدا.
بۇل جٷيە ارقىلى جەكە مەكتەپتەرگە مەملەكەتتٸك مەكتەپتەرمەن بٸردەي دەڭگەيدە قولداۋ كٶرسەتٸلٸپ, بالالاردىڭ بٸلٸم الۋىنا تەڭ مٷمكٸندٸك قاراستىرىلۋدا. وسى رەتتە Dalanews.kz اقپاتىق اگەنتتٸگٸ تٸلشٸلەرٸ ەلٸمٸزدەگٸ بٸلٸم بەرۋ سالاسىن مەملەكەتتٸڭ قارجىلاندىرۋ مەسەلەسٸن از-كەم ساراپتاپ كٶردٸ. ەندٸ سوعان نازار اۋدارساڭىزدار.
بٷگٸندە ەلٸمٸزدەگٸ جەكەمەنشٸك بٸلٸم بەرۋ مەكەمەلەرٸ بٸلٸم بەرۋدٸڭ مەملەكەتتٸك تاپسىرىسى اياسىندا ۆاۋچەرلەر ارقىلى قارجىلاندىرىلۋدا. اتا-انالار تاڭداعان مەكتەپتەرٸنە ۆاۋچەردٸ تاپسىرىپ, مەملەكەتتٸڭ قارجىلاي قولداۋى اتا-انالار مەن وقۋشىلاردىڭ سوڭىنادا جٷرەدٸ.
مەملەكەتتٸك بٸلٸم بەرۋ تاپسىرىسى ەسٸرەسە وقۋشىلارعا ورنى جەتٸسپەيتٸن ايماقتاردا جەكەمەنشٸك مەكتەپتەردٸ قولداپ, مەملەكەتتٸك مەكتەپتەردٸڭ جٷكتەمەسٸن جەڭٸلدەتۋ ٷشٸن جەكە مەكتەپتەردٸڭ كٶمەگٸنە جٷگٸنٸپ وتىر. وسىدان بٸرشاما جىل بۇرىن ەلٸمٸزدە بالاباقشا تاپشىلىعى بولعان كەزدە ٷكٸمەت وسىنداي ۆاۋچەرلٸك قارجىلاندىرۋ جٷيەسٸن پايدالانىپ, بۇل ٸسكە كەسٸپكەرلەردٸ تارتىپ, ەلٸمٸزدٸڭ تٷكپٸر-تٷكپٸرٸندە جەكمەنشٸك بالاباقشالاردى اشقانى ەسٸمٸزدە. قازٸر اتقارۋشى بيلٸك سول ٸس-تەجٸريبەنٸ ورتا بٸلٸم بەرۋ سالاسىنا كەڭٸنەن قولدانۋدا.
قازٸرگٸ تاڭدا الماتى, استانا, شىمكەنت سىندى ٸرٸ قالالاردا مەكتەپ تاپشىلىعى ورىن الىپ وترىعانى ەمبەگە ايان. مۇنداي مەسەلە ٸرٸ قالالارعا تەن قۇبىلىس دەسەك بولادى. ال اۋىل-اۋدانداردا مەكتەپتەر جەتكٸلٸكتٸ. سوندىقتان اۋىل-اۋدانداردا جەكەمەنشٸكتەر ەزٸرشە اشىلا قويعان جوق.
وقۋ اعارتۋ مينيسترلٸگٸ 2024-2025 وقۋ جىلىندا وقۋشىلار سانىنىڭ ٶسۋٸنە بايلانىستى جەكە مەكتەپتەرگە قوسىمشا قاراجات بٶلگەنٸن بٸلەمٸز. رەسپۋبليكالىق بيۋدجەتتەن بۇل ماقساتقا 133,9 ميلليارد تەڭگە بٶلٸنگەنٸن وقۋ جىلىنىڭ باسىندا مەلٸم بولدى.
وسى رەتتە قر پارلامەنتٸ مەجٸلٸسٸنٸڭ دەپۋتاتى, بٸلٸم سالاسىنىڭ بٸلگٸر مامانى جۇلدىز سٷلەيمەنوۆا قارجىلاندىرۋ مەحانيزمٸن قايتا قاراۋدى كٶتەرگەن بولاتىن. ونىڭ ويىنشا, قازٸرگٸ جٷيەدە ايماقتىق قاجەتتٸلٸكتەر تولىق ەسكەرٸلمەگەن. وسىلايشا حالىق قالاۋلىسى جەكەمەنشٸك بٸلٸم بەرۋ مەكەمەلەرٸنە بٶلٸنەتٸن قارجىنىڭ ەدٸل ەرٸ تيٸمدٸ جۇمسالۋىن تالاپ ەتكەن بولاتىن.
ٶز كەزەگٸندە جۇلدىز سٷلەيمەنوۆا قازاقستانداعى جەكەمەنشٸك مەكتەپتەردٸڭ مەملەكەتتٸك قارجىلاندىرىلۋىنا قاتىستى مەسەلەلەردٸ دە تٸلگە تيەك ەتە كەلە, مەملەكەتتٸك بٸلٸم بەرۋ تاپسىرىسىن ورىنداۋ ٷشٸن بٶلٸنگەن قاراجاتتىڭ جەتكٸلٸكسٸز ەكەنٸن دە اشىپ ايتقان بولاتىن.
بٷگٸندە جەكەمەنشٸك مەكتەپتەرگە بٶلٸنگەن قاراجات رەسپۋبليكالىق بيۋدجەت ەسەبٸنەن بٶلٸنەتٸنٸ بەلگٸلٸ. الايدا, قاراجاتتىڭ بٸر بٶلٸگٸ جەرگٸلٸكتٸ بٸلٸم بەرۋ باسقارمالارىندا قالۋى مٷمكٸن, بۇل جاعداي بٶلٸنگەن قاراجاتتىڭ تيٸمدٸلٸگٸنە ەسەر ەتەتٸنٸ سٶزسٸز.
وسى رەتتە مەملەكەتتٸڭ جەكەمەنشٸك بٸلٸم وشاقتارىنا بٶلٸپ وتىرعان قاراجاتى تولىقتاي جەتەدٸ دەپ كەسٸپ ايتۋ قيىن. يە, ٷكٸمەت بيۋدجەتتٸڭ مٷمكٸنشٸلٸگٸنە قاراي جەكەمەنشٸك مەكتەپتەردٸ قارجىلاندىرۋدا. ەلٸمٸزدٸڭ ەكونوميكالىق جاعدايى جاقسارعان سايىن بٸلٸم سالاسىنا بٶلٸنەتٸن قارجىسى ٶسەتٸنٸ انىق.
ەگەر قارجى جەتكٸلٸكتٸ دەڭگەيدە بٶلٸنسە, اۋىلدى ايتپاعان كٷننٸڭ ٶزٸندە اۋدان ورتالىقتارى مەن شاعىن قالالاردا جەكەمەنشٸك مەكتەپتەر پايدا بولار ەدٸ. ەزٸرشە ٷكٸمەتتٸڭ جەكمەنشٸك بٸلٸم بەرۋ سالاسىنا بٶلٸنگەن قارجاتى ٸرٸ قالالارداعى مەملەكەتتٸك مەكتەپتەرگە تٷسەتٸن جٷكتەمەنٸ ازايتۋعا عانا سەپتەسٸپ وتىرعانىن تٷسٸنۋٸمٸز كەرەك.
ونىڭ ٷستٸنە جەكە مەكتەپتەردٸڭ بۇل قارجىلاندىرۋدى الۋى ٷشٸن ولار بەلگٸلٸ بٸر تالاپتارعا ساي بولۋى كەرەك, سونىڭ ٸشٸندە بٸلٸم بەرۋ ساپاسى, ماتەريالدىق-تەحنيكالىق بازا, وقىتۋ ەدٸستەرٸ جەنە بٸلٸم بەرۋ ستاندارتتارىنا سەيكەس بولۋ سيياقتى شارتتار كٸرەدٸ.
