الماتىدا جەكەمەنشىكتە بولعان اۋرۋحانا مەملەكەتكە قايتارىلدى، - دەپ حابارلايدى Dalanews.kz.
Liter.kz مالىمەتىنشە، اۋرۋحانا جەكەمەنشىككە وتكەنگە دەيىن پۋلمونولوگيا جانە اللەرگولوگيا سالاسىندا جەتەكشى مەكەمە بولعان. 900-دەن اسا مەديسينالىق قىزمەتكەرلەرى بولعان، ونىڭ ىشىندە رەسپۋبليكانىڭ وسى بەيىندەگى جەتەكشى ماماندارى دا بولعان.
2019 جىلى اۋرۋحانا "Smart Health University City" جشس-نە وتكەن. ءبىراز ۋاقىتتان كەيىن اۋرۋحانا قىزمەتكەلەرى جالاقى كەشىگىپ بەرىلىپ جۇرگەنىن ايتىپ، شاعىمدانا باستاعان.
سوندىقتان دەپۋتاتتار دەنساۋلىق ساقتاۋ ءمينيسترى اجار عينياتقا ۇندەۋ جاساعان بولاتىن. ولاردىڭ سوزىنشە، اۋرۋحانا جەكەمەنشىككە ءوتىپ كەتكەننەن كەيىن مەديسينالىق قىزمەتكەرلەرى سانى ەكى ەسە ازايىپ كەتكەن. كوپ بولىمشەدە دارىلەر تاپشى بولعان. قاراپايىم فيزقوسپا، سيستەما دا جەتىسپەگەن. سوندىقتان دەپۋتاتتار اۋرۋحانانى جەكەمەنشىكتەن الىپ، مەملەكەتكە قايتارۋدى سۇراعان.
مينيستر اجار عينيات اۋرۋحانادا تەكسەرىس جۇرگىزىلگەنىن، ونىڭ ناتيجەسى بويىنشا مەكەمە مەملەكەتكە قايتارىلاتىنىن ايتقان.
الماتىنىڭ مامانداندىرىلعان اۋدانارالىق ەكونوميكالىق سوتىنىڭ قاۋلىسىمەن سەنىمگەرلىكپەن باسقارۋ شارتىن بۇزۋ تۋرالى تالاپ ارىز تولىق كولەمدە قاناعاتتاندىرىلدى، سوت شەشىمى زاڭدى كۇشىنە ەنگەن جوق.
