Almatyda jekemenshikte bolǵan aýrýhana memleketke qaitaryldy, - dep habarlaidy Dalanews.kz.
Liter.kz málimetinshe, aýrýhana jekemenshikke ótkenge deiin pýlmonologiia jáne allergologiia salasynda jetekshi mekeme bolǵan. 900-den asa meditsinalyq qyzmetkerleri bolǵan, onyń ishinde respýblikanyń osy beiindegi jetekshi mamandary da bolǵan.
2019 jyly aýrýhana "Smart Health University City" JShS-ne ótken. Biraz ýaqyttan keiin aýrýhana qyzmetkeleri jalaqy keshigip berilip júrgenin aityp, shaǵymdana bastaǵan.
Sondyqtan depýtattar densaýlyq saqtaý ministri Ajar Ǵiniiatqa úndeý jasaǵan bolatyn. Olardyń sózinshe, aýrýhana jekemenshikke ótip ketkennen keiin meditsinalyq qyzmetkerleri sany eki ese azaiyp ketken. Kóp bólimshede dáriler tapshy bolǵan. Qarapaiym fizqospa, sistema da jetispegen. Sondyqtan depýtattar aýrýhanany jekemenshikten alyp, memleketke qaitarýdy suraǵan.
Ministr Ajar Ǵiniiat aýrýhanada tekseris júrgizilgenin, onyń nátijesi boiynsha mekeme memleketke qaitarylatynyn aitqan.
Almatynyń mamandandyrylǵan aýdanaralyq ekonomikalyq sotynyń qaýlysymen senimgerlikpen basqarý shartyn buzý týraly talap aryz tolyq kólemde qanaǵattandyryldy, sot sheshimi zańdy kúshine engen joq.
