وڭىردەگى جاستار ساياساتىنا ۇلەس قوسۋعا شاقىردى.
– بۇگىنگى كەزدەسۋدە وزەكتى ماسەلەلەر مەن تىڭ يدەيالارىڭىزدى ورتاعا سالۋعا شاقىرامىن. جاستار اراسىنداعى پروبلەمانى سىزدەردەن ارتىق ەشكىم بىلمەيدى. ماسەلەلەر ايتىلىپ، شەشۋ جولدارىن تالقىلايىق. قوعامنىڭ قوزعاۋشى كۇشى – جاستار. سىزدەر بولاشاقتىڭ جاس قۇرىلىسشىسى ەكەندەرىڭىزدى ەش ۋاقىتتا ەستەن شىعارماۋلارىڭىز كەرەك. بارىمىزدى باعالايىق.
ءبىلىم الىڭىزدار، ەڭبەك ەتىڭىزدەر، اعا بۋىننىڭ اقىلىنا قۇلاق اسىڭىزدار، ۇزدىكسىز ىزدەنىستە بولىڭىزدار. جەكە كاسىپ اشۋعا قۇمار جاستار قاتارى ارتىپ كەلەدى. جالىندى جاس ءۇشىن اسۋ اسىپ، وتكەلدەردەن ءوتۋ قيىن ەمەس. ەڭ باستىسى، بيىك ماقسات، مارتەبەلى مۇددە بولۋ كەرەك، – دەدى وبلىس اكىمى دارحان ساتىبالدى.
ەركىن فورماتتا وتكەن كەزدەسۋ ەكى ساعاتقا سوزىلدى. كوپ ماسەلەنىڭ كۇرمەۋى شەشىلدى. جاستار ءوڭىر باسشىسىنا ءتۇرلى سۇراقتار قويىپ، پىكىرلەرىن ءبىلدىردى. جۇمىسپەن قامتۋ، قولجەتىمدى باسپانا ماسەلەسىن كوتەردى. ءبىلىمدى جەتىلدىرۋ، جاس كاسىپكەرلەردى قولداۋ، قورشاعان ورتانى قورعاۋ جايلى ايتىلدى. وبلىس اكىمى جاستارمەن ءجيى جۇزدەسۋگە دايىن ەكەندىگىن ايتىپ، كوتەرىلگەن تاقىرىپتار اياسىندا جۇمىس ىستەلەتىندىگىن جەتكىزدى. مۇنداي كەزدەسۋلەر جالعاسىن تابادى.
تۇركىستان قالاسىندا وبلىستىق جاستار رەسۋرستىق ورتالىعىنىڭ عيماراتى ورنالاسقان. ورتالىقتى ارالاپ كورگەن وبلىس اكىمى دارحان ساتىبالدى 17 اۋدان، قالا بويىنشا جاستار رەسۋرستىق ورتالىعى باسشىلارىمەن تانىستى. وبلىستىق جاستار رەسۋرستىق ورتالىعىنىڭ باسشىسى ەراسىل تولەبايەۆ اتقارىلعان جۇمىستاردىڭ ەسەبىن بەردى.
تۇركىستان وڭىرىندە 470 مىڭنان اسا جاس بار. بۇل - رەسپۋبليكا جاستارىنىڭ 13%-ى. وبلىس حالقىنىڭ تورتتەن ءبىرىن قۇرايتىن جاستاردىڭ 80%-دان استامى اۋىلدا تۇرادى. ولاردىڭ اراسىندا ەرىكتىلەر دە بارشىلىق. قوعامدىق جۇمىستارعا ارالاسىپ، ءتۇرلى باعىتتا، ءتۇرلى جاعدايلاردا حالىققا قىزمەت كورسەتۋدە.
كەزدەسۋ سوڭىندا وبلىس اكىمى بەلسەندى جاستارمەن بىرگە اعاش وتىرعىزدى.
