قازاقستان تۋروپەراتورلارى الدىمەن ومبى قالاسىنىڭ جەرگىلىكتى تۋريزم وكىلدەرىمەن كەزدەسىپ، ءنوۆوسىبىر، ەكاتەرينبۋرگ، سانكت-پەتەربۋرگ جانە ماسكەۋ قالالارىندا ەلىمىزدىڭ تۋريستىك دەستيناسيالارىمەن كەڭىنەن تانىستىردى.
كەزدەسۋ فورماتىنا سايكەس رەسمي تانىستىرىلىمنان سوڭ ەكى جاق تۋريستىك وكىلدەرىنىڭ B2B سەسسياسى ءوتتى. اتالعان شارا بارىسىندا تۋروپەراتورلار بىرلەسكەن جوبالار قۇرۋ مەن ىنتىماقتاستىقتى ءارى قاراي دامىتۋ ءۇشىن كەلىسسوزدەرگە قول قويدى.
سونداي-اق، ءنوۆوسىبىر قالاسىندا «Almaty Visit» تۋريستىك اقپاراتتىق ورتالىعى مەن ءنوۆوسىبىر وڭىرلىك دامىتۋ ورتالىعى اراسىندا مەموراندۋم جاسالدى.
– قازاقستان ءبىر ءۇشىن ءارقاشان قىزىقتى باعىتتاردىڭ ءبىرى بولعان. بۇگىن ءبىزدىڭ تۋروپەراتورلار سىزدەر ۇسىنعان تۋريستىك ونىمدەر تۋرالى كوپ اقپارات الدى. تاۋ-شاڭعى كۋرورتى مەن تۇركىستان قالاسى ەسىمىزدە ەرەكشە ساقتالدى. جاسالعان كەلىسسوزدەر ءوز ناتيجەسىن بەرەدى دەپ سەنەمىن، – دەدى الەكسەي نيزكوۆسكيي، ءنوۆوسىبىر وڭىرلىك دامىتۋ ورتالىعىنىڭ ديرەكتورى.
5 كۇنگە سوزىلعان شارادا قازاقستاندىق تۋروپەراتورلار 150 دەن استام رەسەيلىك سالا ماماندارىمەن كەزدەستى. مۇندا قازاقستاندىق تۋرونىمگە قىزىعۋشىلىق تانىتىپ، ونى رەسەيدە ىلگەرىلەتۋگە دايىن ماماندار جينالدى. بۇل كەزدەسۋ ناتيجەسىندە كەلىسسوزدەر جۇرگىزۋگە، سەرىكتەستىك ورناتۋعا سەپ بولدى.
– مۇنداي روۋد-شوۋلار ارقىلى ءبىز نارىقتا سىرتقى تۋريزم باعىتىندا جۇمىس ىستەيتىن، قازاقستان ونىمىنە قىزىعۋشىلىق تانىتقان ارىپتەستەرىمىزبەن ناتيجەلى ءارى پايدالى كەزدەسۋلەر جۇرگىزە الامىز. كەزدەسۋ بارىسىندا جاڭا سەرىكتەستەر تاۋىپ، سەرىكتەستىك شارتتارىن بىردەن تالقىلادىق. ءوز ونىمدەرىمىزبەن كەڭىنەن تانىستىرىپ، الداعى جۇمىستارىمىزدى جوسپارلادىق، – دەدى اسەم كوزباگاروۆا، قازاقستاندىق تۋروپەراتور.
اتالاعان روۋد-شوۋدى «Kazakh Tourism» ۇك» اق» جىل سوڭىنا دەيىن دوحا، دۋباي، سەۋل، ماناما، ەر-رياد قالالارىندا ۇيىمداستىرۋدى جوسپارلاعان. ايتا كەيتەيىك، شارانىڭ ماقساتى – قازاقستان تۋريسىك دەستيناسياسىن الەمگە تانىتۋ جانە حالىقارالىق ىنتىماقتاستىقتى نىعايتۋ جانە شەتەلدىك تۋريستەر لەگىن ارتتىرۋ بولىپ تابىلادى.
