Qazaqstan týroperatorlary aldymen Omby qalasynyń jergilikti týrizm ókilderimen kezdesip, Novosibir, Ekaterinbýrg, Sankt-Peterbýrg jáne Máskeý qalalarynda elimizdiń týristik destinatsiialarymen keńinen tanystyrdy.
Kezdesý formatyna sáikes resmi tanystyrylymnan soń eki jaq týristik ókilderiniń B2B sessiiasy ótti. Atalǵan shara barysynda týroperatorlar birlesken jobalar qurý men yntymaqtastyqty ári qarai damytý úshin kelissózderge qol qoidy.
Sondai-aq, Novosibir qalasynda «Almaty Visit» týristik aqparattyq ortalyǵy men Novosibir óńirlik damytý ortalyǵy arasynda memorandým jasaldy.
– Qazaqstan bir úshin árqashan qyzyqty baǵyttardyń biri bolǵan. Búgin bizdiń týroperatorlar sizder usynǵan týristik ónimder týraly kóp aqparat aldy. Taý-shańǵy kýrorty men Túrkistan qalasy esimizde erekshe saqtaldy. Jasalǵan kelissózder óz nátijesin beredi dep senemin, – dedi Aleksei Nizkovskii, Novosibir óńirlik damytý ortalyǵynyń direktory.
5 kúnge sozylǵan sharada qazaqstandyq týroperatorlar 150 den astam reseilik sala mamandarymen kezdesti. Munda Qazaqstandyq týrónimge qyzyǵýshylyq tanytyp, ony Reseide ilgeriletýge daiyn mamandar jinaldy. Bul kezdesý nátijesinde kelissózder júrgizýge, seriktestik ornatýǵa sep boldy.
– Mundai roýd-shoýlar arqyly biz naryqta syrtqy týrizm baǵytynda jumys isteitin, qazaqstan ónimine qyzyǵýshylyq tanytqan áriptesterimizben nátijeli ári paidaly kezdesýler júrgize alamyz. Kezdesý barysynda jańa seriktester taýyp, seriktestik sharttaryn birden talqyladyq. Óz ónimderimizben keńinen tanystyryp, aldaǵy jumystarymyzdy josparladyq, – dedi Asem Kozbagarova, qazaqstandyq týroperator.
Atalaǵan roýd-shoýdy «Kazakh Tourism» UK» AQ» jyl sońyna deiin Doha, Dýbai, Seýl, Manama, Er-Riiad qalalarynda uiymdastyrýdy josparlaǵan. Aita keiteiik, sharanyń maqsaty – Qazaqstan týrisik destinatsiiasyn álemge tanytý jáne halyqaralyq yntymaqtastyqty nyǵaitý jáne sheteldik týrister legin arttyrý bolyp tabylady.
