جاستار جارالى پوليتسەيگە قالاي كٶمەكتەستٸ?
كۋەگەرلەر تٷسٸرگەن تاسپا وسى. مۇندا لەيتەنانت تيمۋر بەگاسىلوۆ ەلٸ تٸرٸ كەزٸ. قاندىقول قىلمىسكەر ونى اۋىر جارالاپ, پوليتسەي قىزىلالا قان بوپ جاتىر. نۇرباقىت دەۋٸتقۇلوۆ وسى كەزدە دەرەۋ جۇمىسىنان جٷگٸرٸپ شىعىپ, جارالى جٸگٸتكە جانتالاسا كٶمەك بەرگەن.
«قانىنا قاقالىپ جاتىر ەكەن. كەيٸن كٶتەرٸپ الىپ مۇرنىن, اۋزىن تازالاپ دەمالتتىق. سەل ٶز-ٶزٸنە كەلدٸ, بٸراق شوك العانى بايقالدى», – دەيدٸ وقيعا كۋەگەرٸ نۇرباقىت دەۋٸتقۇلوۆ.
اششى شىندىعى سول, قالعان جۇرتتىڭ شاماسى بولعان جايتتى تەك تەلەفونعا تٷسٸرٸپ تۇرۋعا عانا جەتكەن. ال نۇرباقىت تيمۋردىڭ جارالى باسىن جەرگە تيگٸزبەي قاندى توقتاتۋ ٷشٸن بارىنشا تىرىسىپ باققان. تاعى 3 قىز وعان بارىنشا كٶمەكتەسكەن. داريا موينىنداعى جاراسىن تاڭسا, ال اناستاسييا ەسٸمدٸ بويجەتكەن جولدا بينت ٸزدەپ, دەرٸ-دەرمەككە جٷگٸرگەن. نادەجدا بولسا جىلدام جەدەل-جەردەم شاقىرتىپتى.
«ساقالدىنى بٸردەن بايقادىق. ول پوليتسييا قىزمەتكەرٸنە وق اتتى. ال كٶلٸكتەگٸ پوليتسەيدٸ ٶلتٸرٸپ تاستادى. بٸز بٸردەن ويلانباستان كٶمەككە ۇمتىلدىق», – دەيدٸ وقيعا كۋەگەرٸ نادەجدا الەكساندروۆا.
قىزدار قاتتى قورىقسا دا, پوليتسەيدٸ جالعىز تاستاماۋعا بەل بۋىپتى. جاقىن ماڭايدا لاڭكەستٸڭ قارۋ اسىنىپ جٷرگەنٸنە قاراماستان, بەگاسىلوۆتىڭ جاراسىن تاڭۋعا تەۋەكەل ەتكەن. بەرٸنەن بۇرىن سول كەزدە وقيعانى قىزىقتاپ تۇرعان ادامداردىڭ سالقىنقاندىلىعى بويجەتكەندەردٸڭ جانىنا باتادى.
«بەرٸنەن بۇرىن قاراپ تۇرعان ادامدار جانعا باتتى. ولارعا تەلەفونعا تٷسٸرگەن ەلدەقايدا قىزىق بولدى. ول جاعدايدى ەشقاشان ۇمىتپاسپىن», – دەيدٸ وقيعا كۋەگەرٸ اناستاسييا حارلاموۆا.
لەيتەنانتتىڭ اۋرۋحانا تٶسەگٸندە باقيلىق بولعانىن ەستٸپ جاستار ەگٸلە جىلاعان. قولىنان كەلگەن كٶمەگٸن اياماعان ولار تۋىستارىنا قايعىرىپ كٶڭٸل ايتتى.
دەرەككٶزٸ: stan.kz
