اباي اتىنداعى ورتالىقتا STEAM JasSpace جاسوسپىرىمدەر مەن جاستارعا ارنالعان كەڭىستىكتىڭ اشىلۋ سالتاناتى ءوتتى. بۇل شارا «JasSpace: اتىراۋ ق. جاستارىن دامىتۋ باستاماسى» باعدارلاماسىن ىسكە اسىرۋ ماقساتىندا اتىراۋ وبلىسى اكىمدىگى، وبلىستىق ءبىلىم بەرۋ باسقارماسى، «شيەۆرون» كومپانياسى، جانە «ورتالىق ازيانىڭ ەۋرازيا قورى» كق اراسىنداعى ىنتىماقتاستىق تۋرالى مەموراندۋمعا قول قويۋعا ورايلاستىرىلدى.
باعدارلامانىڭ ماقساتى – JasSpace كەڭىستىگىنىڭ اينالاسىندا STEAM باعىتتارى بويىنشا جاستاردى وقىتۋدى قامتاماسىز ەتەتىن جانە وسى سالالارداعى كاسىپتەردىڭ تانىمال بولۋىنا ىقپال ەتەتىن ەكوجۇيەنى قۇرۋ.
اتىراۋ وبلىسى اكىمىنىڭ ورىنباسارى تاۋشوۆ ناريمان باحىت ۇلىنىڭ ايتۋىنشا، بۇل ورتالىق ەل مەن قوعامنىڭ دامۋىندا عانا ەمەس، سونداي-اق كەيىنگى ۇرپاقتاردى تاربيەلەۋدە دە ۇلكەن ءرول اتقارادى. «وبلىس اكىمىنىڭ اتىنان، قوعام اتىنان «شيەۆرون» كومپانياسىنا وسى ورتالىقتى قۇرۋعا تىكەلەي قاتىسقانى ءۇشىن ريزاشىلىعىمىزدى بىلدىرەمىز.
اتىراۋ وبلىسىنىڭ بالالارى مەن جاستارى اباي ورتالىعىنىڭ JasSpace كەڭىستىگىندە جاڭا تەحنولوگيالاردى مەڭگەرەدى جانە بولاشاقتا وسى جوبا اياسىندا دايىندىقتان وتكەن جاستار تەحنيكالىق ءبىلىمدى قاجەت ەتەتىن ايماقتىڭ ءىرى مەكەمەلەرىنىڭ جۇمىسىنا ىقپال ەتەدى دەپ ۇمىتتەنەمىن»، – دەپ تولىقتىردى تاۋشوۆ مىرزا.
STEAM JasSpace كەڭىستىگى – بۇل جاستار مەن جاسوسپىرىمدەرگە ارنالعان يننوۆاسيالىق جوبالار مەن باعدارلامالار الاڭى.
STEAM بويىنشا ءبىلىم بەرۋ عىلىم، تەحنولوگيا، ينجەنەريا، ونەر جانە ماتەماتيكا (STEAM – Science، Technology، Engineering، Art and Mathematics) سياقتى سالالاردا ءبىر ۋاقىتتا داعدىلاردى دامىتا وتىرىپ، وقىتۋدىڭ ينتەگراسيالانعان جانە ءپانارالىق ادىسىنە نەگىزدەلگەن.
«شيەۆرون» كومپانياسى اباي اتىنداعى ورتالىقتىڭ قۇرىلىسىنا قاتىستى. ەندى ورتالىقتا STEAM ءبىلىم بەرۋدى دامىتۋعا كومەكتەسۋ – ءبىز ءۇشىن ۇلكەن مارتەبە. «شيەۆرون» ءبىرقاتار ءبىلىم بەرۋ، كاسىبي جانە الەۋمەتتىك باعدارلامالاردى جۇزەگە اسىرادى. وسىنداي باعدارلامالاردىڭ ءبىرى – STEAM JasSpace. جوبا اتىراۋ قالاسىنىڭ جاستارى مەن بالالارىنا پايدالى بولىپ، تەحنيكالىق داعدىلارعا ۇيرەتەتىنىنە جانە زاماناۋي ەڭبەك نارىعىندا جۇمىسقا ورنالاسۋ مۇمكىندىكتەرىن ارتتىراتىنىنا سەنىمدىمىن»، – دەپ اتاپ ءوتتى «شيەۆرون» ەۋرازيالىق بولىمشەسى باسقارۋشى ديرەكتورىنىڭ مىندەتىن اتقارۋشىسى مارك پەين.
باعدارلاما «شيەۆرون» كومپانياسىمەن سەرىكتەستىكتە ىسكە اسىرىلادى جانە STEAM باعدارلاماسى بويىنشا مەكتەپ وقۋشىلارىن وقىتۋدى، سونداي-اق STEAM باعىتتارى بويىنشا بىلىكتىلىكتى ارتتىرۋ كۋرستارى ارقىلى اتىراۋ وبلىسى پەداگوگتەرىنىڭ الەۋەتىن كەڭەيتۋدى قامتيدى.
باعدارلامانى ورتالىق ازيانىڭ ەۋرازيا قورى اباي اتىنداعى ورتالىعىمەن، اتىراۋ وبلىسىنىڭ اكىمدىگىمەن جانە جەرگىلىكتى ۇيىمدارمەن بىرلەسىپ جۇزەگە اسىرادى.
«ءبىزدىڭ قوردىڭ مىندەتتەرىنىڭ ءبىرى – STEAM باعىتتارى بويىنشا اباي اتىنداعى ورتالىقتىڭ وقىتۋشىلارىنىڭ بىلىكتىلىگىن، اتىراۋ وبلىسىنىڭ جالپى ءبىلىم بەرەتىن مەكتەپتەردىڭ مۇعالىمدەرىنىڭ الەۋەتىن ارتتىرۋ جانە اتىراۋ وبلىسىنىڭ وقۋشىلارى مەن جاستارىنا STEAM باعىتى بويىنشا قوسىمشا ءبىلىم بەرۋدى ۇيىمداستىرۋعا كومەك كورسەتۋ بولىپ تابىلادى»، – دەپ اتاپ ءوتتى ورتالىق ازيانىڭ ەۋرازيا قورىنىڭ ديرەكتورى ريناد تەمىربەكوۆ.
