«MELISSA» كوفەينياسى قالانىڭ ورتالىعىندا اشىلعان. بۇگىندە وندا 3 ادام جۇمىس ىستەيدى. كوفە جانە باسقا دا سۋسىنداردان بولەك، كاسىپكەر بارلىق كونديتەرلىك ونىمدەردى ءوزى پىسىرەدى.
گۇلدانا قاپالوۆا – ءۇش بالانىڭ اناسى. 2020 جىلى «ەڭبەك» ناتيجەلى جۇمىسپەن قامتۋ جانە جاپپاي كاسىپكەرلىكتى دامىتۋ باعدارلاماسىنىڭ ەكىنشى باعىتىنداعى «باستاۋ بيزنەس» جوباسى بويىنشا وقىپ شىقتى. «بيزنەستىڭ جول كارتاسى 2020-2025» باعدارلاماسى اياسىندا 2 ملن تەڭگە گرانتقا يە بولىپ، قوعامدىق تاماقتاندىرۋ ورتالىعىن اشۋ ءۇشىن قاجەتتى جابدىقتار مەن قۇرالداردى ساتىپ الدى.
«تەكەلى قالاسىندا قوعامدىق تاماقتاندىرۋ مەن قىزمەت كورسەتۋ سالاسىنداعى نىساندارعا سۇرانىس وتە جوعارى. سوندىقتان، كاسىپكەر اتانىپ، ءىسىن جۇرگىزەمىن دەگەن ازاماتتارىمىزدىڭ سانى ءوسىپ كەلەدى. تەك بيىلدىڭ وزىندە «باستاۋ بيزنەس» كاسىپكەرلىك نەگىزدەرىنە وقىتۋدى 73 ادام اياقتادى. 7 جوبا گرانتتىق قارجىلاندىرۋعا يە بولدى»، - دەپ اتاپ ءوتتى تەكەلى قالالىق كاسىپكەرلەر پالاتاسىنىڭ ديرەكتورى تۇرىسبەك ءجۇمادىلوۆ.
ۇلجان ۇلداحان قىزى،
تەكەلى قالاسى اكىمىنىڭ
باسپا ءسوز حاتشىسى
