«MELISSA» kofeınásy qalanyń ortalyǵynda ashylǵan. Búginde onda 3 adam jumys isteıdi. Kofe jáne basqa da sýsyndardan bólek, kásipker barlyq kondıterlik ónimderdi ózi pisiredi.
Gúldana Qapalova – úsh balanyń anasy. 2020 jyly «Eńbek» Nátıjeli jumyspen qamtý jáne jappaı kásipkerlikti damytý baǵdarlamasynyń ekinshi baǵytyndaǵy «Bastaý Bıznes» jobasy boıynsha oqyp shyqty. «Bıznestiń jol kartasy 2020-2025» baǵdarlamasy aıasynda 2 mln teńge grantqa ıe bolyp, qoǵamdyq tamaqtandyrý ortalyǵyn ashý úshin qajetti jabdyqtar men quraldardy satyp aldy.
«Tekeli qalasynda qoǵamdyq tamaqtandyrý men qyzmet kórsetý salasyndaǵy nysandarǵa suranys óte joǵary. Sondyqtan, kásipker atanyp, isin júrgizemin degen azamattarymyzdyń sany ósip keledi. Tek bıyldyń ózinde «Bastaý Bıznes» kásipkerlik negizderine oqytýdy 73 adam aıaqtady. 7 joba granttyq qarjylandyrýǵa ıe boldy», - dep atap ótti Tekeli qalalyq Kásipkerler palatasynyń dırektory Turysbek Jumadilov.
Uljan ULDAHANQYZY,
Tekeli qalasy ákiminiń
baspasóz hatshysy
