مەملەكەت باسشىسى ەلىمىزدەگى عىلىمعا قاتىستى ءوز ويىن اشىپ ايتتى.
– ءبىزدىڭ عىلىمي ينفراقۇرىلىم ەلىمىزدىڭ الدىندا تۇرعان اۋقىمدى مىندەتتەردى شەشۋگە ءالى قاۋقارسىز. مۇنى اشىق مويىنداۋ كەرەك. عىلىم كادرلارىن دايارلاۋ ءۇشىن، ەڭ الدىمەن، ولارعا جاعداي جاساۋ كەرەك. سوندىقتان جىل سايىن كەمىندە 100 عالىمنىڭ الەمدەگى جەتەكشى زەرتتەۋ ورتالىقتارىندا عىلىمي تاعىلىمدامادان وتۋىنە قارجى بولگەن ءجون. جەتەكشى عىلىمي ورتالىقتارىمىزعا دوكتورانتۋرادان كەيىنگى ىزدەنىس ءۇشىن ارناۋلى مەملەكەتتىك تاپسىرىس بەرۋ قاجەت، – دەدى دەدى قاسىم-جومارت توقايەۆ.
الداعى ۋاىتتا دوكتورانتۋراعا بولىنەتىن گرانتتاردىڭ قۇنىن ارتاتىن بولادى. ويتكەنى دوكتورانتتاردىڭ كوبى – وتباسىلى ازاماتتار. ولار عىلىممەن اينالىسقان كەزەڭدە نەگىزىنەن ستيپەنديامەن كۇن كورەتىنى جاسىرىن ەمەس.
جۇمىس ىستەۋگە مۇمكىندىگى بولمايدى. وسى رەتتە مەملەكەت باسشىسى دوكتورانتتاردىڭ ستيپەندياسىن 150 مىڭ تەڭگەگە دەيىن كوبەيتۋ قاجەت ەكەنىن العا تارتتى.
سونىمەن قاتار ەلباسىنىڭ جاس عالىمدار ءۇشىن جىل سايىن گرانت ءبولۋ جونىندەگى باستاماسىن جالعاستىرۋدى تاپسىردى. ونىڭ الداعى 3 جىلعا ارنالعان جالپى قۇنى 3 ميلليارد تەڭگە بولادى.
