مەملەكەت باسشىسى قاسىم-جومارت توقايەۆتىڭ پارلامەنت ماجىلىسىندە سويلەگەن سوزىندە مادەنيەت پەن ءبىلىم ەل دامۋىنىڭ قۇرامداس بولىگى ەكەنىن تىلگە تيەك ەتكەن ەدى. ءيا،ساپالى ءبىلىم-سانالى ۇرپاقتى تاربيەلەيدى.

شىنىندا دا، قوعام دامۋىنىڭ باستى فاكتورى ساپالى ءبىلىمدى مەڭگەرگەن بىلىكتى ماماندار ەكەنى ءسوزسىز. بۇل باعىتتا ەلىمىزدە بىلىمگە قۇشتار، بولاشاعىمىزدىڭ نەگىزىن قۇرايتىن دارىندى جاستارعا بارىنشا قولداۋ كورسەتىپ، الەۋەتىن پايدالانۋ كوزدەرىن قاراستىرۋ كەرەك.

اسىرەسە اۋىل جاستارى اراسىنداعى تالانتتارعا ساپالى ءبىلىم الۋ بەرۋ تەتىگىن ايقىنداۋ، ونى جۇزەگە اسىرۋ ءتاسىلىن بەلگىلەۋ قاجەت دەپ سانايمىز.

بۇۇ-نىڭ باستاۋىمەن العاش رەت «تۇراقتى دامۋ» كونسەپسياسى ۇسىنىلدى. «تۇراقتى دامۋ ماقساتتارى» – قازىرگى ۋاقىتتىڭ قاجەتتىلىگىن قامتاماسىز ەتە وتىرىپ، بولاشاق ۇرپاقتاردىڭ ءوزىنىڭ قاجەتتىلىكتەرىن قامتاماسىز ەتۋىنە ءقاۋىپ تۋعىزبايتىن دامۋ. تۇراقتى دامۋ ماقساتتارى  كونسەپسياسىنىڭ 4 ءبولىمى -ساپالى  ءبىلىم ەكەن العا تارتقىم كەلەدى. ءار مەملەكەتتىڭ ەكونوميكالىق جانە الەۋمەتتىك تۇرعىدان دامۋى­نىڭ تاعى ءبىر كورسەتكىشى – الەمدىك تاجىريبەگە سۇيەنگەن ءبىلىمدى مامان دايارلاۋمەن تىعىز بايلانىستى. ءبىلىم سالاسى ۇنەمى جەتىلىپ، جاڭارىپ وتىرۋدى قاجەت ەتەدى.

ءبىز ءومىر ءسۇرىپ وتىرعان قازىرگى كەزەڭ – بۇل جاڭا ءداۋىر ، جاڭا كوزقاراستى، جاڭاشىلىقتى تالاپ ەتەتىن ۋاقىت. سونىڭ ىشىندە ، ءبىلىم سالاسىندا بولىپ جاتقان جاڭا وزگەرىستەردىڭ ءمانى مەن ماڭىزى زور.

ساننان ساپاعا قىزمەت ەتۋ – بۇگىنگى تالاپ. ءقازىر ەلىمىزدەگى جوعارى وقۋ ورىندارىنىڭ جار­تىسى عانا تۇلەكتەرىن 60 پايىز­دىق دەڭگەيدە جۇمىسپەن قامتىپ وتىر. بۇل جوعارى كورسەتكىش ەمەس. وسىنى ەسكەرگەن مەملەكەت باسشىسى سانى بار، ساپاسى ماردىمسىز وقۋ ورىندارى قىسقارتىلىپ، باسەكەگە قابىلەتتى كادرلار دايارلاي الاتىن ىرگەلى وقۋ ورىندارىنا عانا مۇمكىندىكتەر بەرىلەتىنىن قاداپ ايتتى بۇل – سوزدەن ىسكە كوشۋدىڭ ايقىن دالەلى.

عىلىمدى دامىتپاي، ۇلتتىڭ دامۋىن قامتاماسىز ەتە المايمىز. ۇكىمەت بۇل ماسەلەنى عىلىمي-زەرتتەۋلەردىڭ دەڭگەيىن ارتتىرۋ جانە ونى ءىس جۇزىندە قولدانۋ تۇرعىسىنان قاراستىرۋى كەرەك دەدى.

ەلىمىزدە دە ءبىلىم بەرۋ جۇيەسى سانعا عانا ەمەس، ساپاعا نەگىزدەۋ – بۇگىنگى كۇننىڭ باستى تالابى. سانالى دا ساپالى ۇرپاق تاربيەلەۋ ارقىلى عانا بيىككە شىعاتىنىمىزدى ەسكەرسەك، بۇل ماسەلە ۇدايى نازاردا بولۋى ءتيىس. بۇگىندە مۇعالىمدەردىڭ   بىلىكتىلىگىن كوتەرۋ جۇمىستارىن جانداندىرۋ جانە ءبىلىم ساپاسىن جاقسارتۋ جولدارى بىرىزدىلىكپەن جۇيەلى جولعا قويىلىپ كەلەدى.وسى جايتتاردى ەسكەرە وتىرا، ءال-فارابي اتىنداعى قازاق ۇلتتىق ۋنيۆەرسيتەتىنىڭ زاڭ فاكۋلتەتى  قىلمىستىق قۇقىق،قىلمىستىق ءىس جۇرگىزۋ جانە كريميناليستيكا كافەدراسىنىڭ وقىتۋشىلار قۇرامى ساپالى ءبىلىم بەرۋ ماقساتىندا ايانباي ەڭبەك ەتۋدە.

زاڭعار جازۋشى م.اۋەزوۆ  «حالىق پەن حالىقتى،ادام مەن ادامدى تەڭەستىرەتىن ءبىلىم»دەپ قوعام ومىرىندەگى ءبىلىمنىڭ ورنىن ايقىنداعان،راسىمەن دە،رۋحاني مادەني سالانىڭ نىعايۋىنا،ادامدىق قاسيەتتىڭ جوعارلاۋىنا،وسىنىڭ ارقاسىندا ەلدىڭ العا ورلەۋىنە ءبىلىمنىڭ عانا قۇدىرەتى جەتەتىنى كۇننەن-كۇنگە ايقىندالۋدا.

 

بيسەنوۆا م.ق

اتاحانوۆا گ.م

ءال-فارابي اتىنداعى قازاق ۇلتتىق ۋنيۆەرسيتەتىنىڭ زاڭ فاكۋلتەتى  قىلمىستىق قۇقىق،قىلمىستىق ءىس جۇرگىزۋ جانە كريميناليستيكا كافەدراسىنىڭ وقىتۋشىلارى