قازٸر قوعامدا تۇرمىستىق زورلىق-زومبىلىق تاقىرىبى قىزۋ تالقىلانىپ جاتىر. بىلتىر ەكس-مينيستر قۋاندىق بيشٸمباەۆ ەيەلٸ سالتانات نٷكەنوۆا ٶلتٸردٸ دەگەن ايىپپەن قاماۋعا الىندى. وسى جاعدايدان كەيٸن قوعامدا ەيەلدەر مەن بالالارعا قاتىستى كەز كەلگەن زورلىق-زومبىلىق قاتاڭ ايىپتالادى.
ەلەۋمەتتٸك جەلٸدە جۋرناليست سىرىم يتقۇلوۆ ۇستاز ريزابەك باتالۇلى زورلىق-زومبىلىقتى پايعامباردىڭ حاديستەرٸمەن اقتادى دەپ ايىپتادى, - دەپ حابارلايدى Dalanews.kz.
جۋرناليست ۆيدەودا كەلتٸرٸلگەن سٶزدەردەن مىسال كەلتٸرگەن.
"ول ەيەلدەردٸ ۇرۋ كەرەك دەيدٸ. دٸن بويىنشا ەيەلدەردٸ ۇرىپ-سوعۋعا بولادى ەكەن, تٸپتٸ سولاي ٸستەۋ كەرەك ەكەن. ەڭ باستىسى - وعان اۋىر زاقىم كەلتٸرمەۋ جەنە بٸر جەرٸن سىندىرماۋ. ...الىپ-قوسارىم جوق", - دەپ جازدى ول.
YouTube جەلٸسٸندە بۇل ۆيدەو 8 جىل بۇرىن جارييالانعان ەكەن.
"ەيەلٸڭٸز سٸزگە باعىنباي كەتسە, ەر ادامنىڭ ٷش جولى بار", - دەپ جازىلعان ۆيدەو سيپاتتاماسىندا.
"قۇراندا ٷش شارت قويادى. تىڭداماي قارسى شىققان ەيەلگە ەر ادامنىڭ ٷش جولى بار. بٸرٸنشٸسٸ - ۋاعىز-ناسيحات قىلىڭدار دەيدٸ, ... ٷشٸنشٸ ۇرىڭدار دەيدٸ", - دەيدٸ ريزابەك باتالۇلى.
ول ۆيدەودا "ەيەلدەر تىڭداماي, سٶز قايتارىپ, ايتقانىڭدى ٸستەمەي بەلگٸ بەرەتٸنٸن" ايتادى.
"سول كەزدە "قوي, قوي" دەيسٸڭ. ۋاعىز ايتاسىڭ. "قۇداي بار, قۇدايدان قورىق" دەيسٸڭ. جوق تىڭدامايدى. ... ٷشٸنشٸ قاعيدا بار. ۇرىڭدار دەيدٸ. جاراقات سالىپ, دەنە مٷشەسٸن سىندىرىپ قويمايتىنداي دەڭگەيدە نۇقىپ الۋ كەرەك, قازاقشا تٸلمەن ايتقاندا", - دەيدٸ ول.
جەلٸدە بۇل ۆيدەو ٷزٸندٸسٸ قىزۋ تالقىعا تٷسٸپ جاتىر.
"ەركەكتەردٸ نۇقۋعا بولا ما? بٸراق كٸمنەن سۇراپ وتىرمىن? ٶزٸنەن ەلسٸزدٸ ۇرۋدى قۇپتاعان ادامدى دا ۇرۋعا بولادى دەمەك", - دەپ جازدى ەلەۋمەتتٸك جەلٸدەگٸلەردٸڭ بٸرٸ.
ايتا كەتەيٸك, قازٸر ەيەلٸن ۇرىپ ٶلتٸردٸ دەگەن ايىپ تاعىلىپ وتىرعان ەكس-مينيستر قۋاندىق بيشٸمباەۆتىڭ ٸسٸنە قاتىستى سوت وتىرىسى جالعاسىپ جاتىر.
بٷگٸنگٸ سوت وتىرىسىندا سوت-مەديتسينا ەكسپەرتٸ تاحير حاليمنازاروۆ جاۋاپ بەردٸ. ساراپشى پروتسەسس بارىسىندا مانەكەن ارقىلى مارقۇم سالتانات نٷكەنوۆانىڭ ٶلٸمٸنە قانداي جاراقاتتار سەبەپ بولعانىن كٶرسەتتٸ.
تاحير حاليمنازاروۆ سوت وتىرىسى بارىسىندا سۋديانىڭ سۇراقتارىنا دا جاۋاپ بەردٸ.
"قاراپايىم سٶزبەن ايتساق, باسىنا سوققى جاساعانىمەن قوسا, جەبٸرلەنۋشٸنٸ قىلعىندىرعان با?" - دەدٸ سۋديا.
ال ساراپشى بەلگٸلەرٸ بارىن ايتتى.
ارتىنشا سۋديا "مارقۇمنىڭ باسىنا كەم دەگەندە 12-13 رەت سوققى جاسالىپ, ودان كەيٸن قىلعىندىرعان با, دۇرىس پا?" دەپ ناقتىلادى.
"مٷمكٸن. يە (موينىنان قىلعىندىرعان با دەگەن سۇراققا جاۋاپ - ەسك.)", - دەدٸ ەكسپەرت.
بۇعان دەيٸن ساراپشى بۇل جاراقاتتار نٷكەنوۆانىڭ مەيٸتٸن ساراپتاۋ نەتيجەسٸندە انىقتالعانىن ايتقان ەدٸ.
ونىڭ سٶزٸنشە, مۇنىڭ بەرٸ جالپىلاما باس جاراقاتى بولىپ سانالادى. وعان بەتٸندەگٸ جاراقاتتار دا, باس سٷيەگٸندەگٸ جاراقاتتار دا جاتادى.
تاحير حاليمنازاروۆ ٶلٸمنٸڭ سەبەبٸن ايتقان كەزدە وسى جاراقاتتاردىڭ بەرٸن بٸرگە قاراستىرۋ كەرەك ەكەنٸن جەتكٸزدٸ.
