ٶسكەمەندە شىعىس قازاقستان وبلىسى ەكٸمٸنٸڭ بۇرىنعى بٸرٸنشٸ ورىنباسارى ەرٸ ەكس-ەكٸم جاقسىلىق ومارعا قاتىستى سوت پروتسەسٸ باستالدى. شەنەۋنٸك سوت وتىرىسىندا ٶزٸنە تاعىلعان ايىپتاردى تولىق مويىندادى, دەپ حابارلايدى Dalanews.kz.
تەرگەۋ دەرەكتەرٸنە سەيكەس, ٸس ەكٸ ەپيزودتان تۇرادى.
فبرك دەرەككٶزٸنٸڭ مەلٸمەتٸنشە, بٸرٸنشٸ ەپيزودتا جاقسىلىق ومار قىزمەتتە جٷرگەن كەزٸندە ماتەريالدىق كٶمەك رەتٸندە بەرٸلگەن كٶلٸككە قاتىستى جاعدايعا بايلانىستى كٷدٸككە ٸلٸنگەن.
"جەبٸرلەنۋشٸ 2021 جىلعى Toyota Camry 75 اۆتوكٶلٸگٸن العانىن, كەيٸن ونى ەكٸمدٸككە تاپسىرعانىن ايتقان. الايدا كٶلٸك كەيٸن ٷشٸنشٸ تۇلعاعا رەسٸمدەلٸپ, trade-in باعدارلاماسى ارقىلى جاڭاسىنا اۋىستىرىلعان", - دەيدٸ دەرەككٶز.
كەلتٸرٸلگەن شىعىن شامامەن 13 ملن تەڭگە دەپ باعالانعان.
بۇل ەرەكەت قر قىلمىستىق كودەكسٸنٸڭ 190-بابى 3-بٶلٸگٸ 1 جەنە 2-تارماقتارى (ٸرٸ كٶلەمدەگٸ الاياقتىق) بويىنشا سارالانعان. سوتتا جەبٸرلەنۋشٸ شىعىن تولىق ٶتەلگەنٸن ايتىپ, تالاپ-ارىزى جوق ەكەنٸن جەتكٸزگەن.
ەكٸنشٸ ەپيزودتا ەكس-ەكٸمگە پارا الۋ دەرەگٸ بويىنشا ايىپ تاعىلعان.
تەرگەۋ نۇسقاسى بويىنشا, ول ەكٸمدٸك قىزمەتكەرٸنەن 20 ملن تەڭگە تالاپ ەتكەن.
"بۇل جاعدايدان كەيٸن قىزمەتكەر ۇقك-گە (كنب) جٷگٸنٸپ, ارنايى باقىلاۋ ۇيىمداستىرىلعان.
نەتيجەسٸندە, ٷشٸنشٸ تۇلعا ارقىلى 6 ملن تەڭگە بەرٸلگەن. كەيٸن تٸنتۋ بارىسىندا 5,6 ملن تەڭگە تابىلعان", - دەپ تولىقتىردى فبرك تەلەگرام ارناسى.
بۇل ەپيزود قر قىلمىستىق كودەكسٸنٸڭ 366-بابى 3-بٶلٸگٸ 3-تارماعى (پارا الۋ) بويىنشا قارالۋدا.
شەنەۋنٸكتٸڭ سوتتاعى سٶزٸ
جاقسىلىق ومار سوتتا كٸنەسٸن تولىق مويىندادى.
قورعاۋشىلارى ونى باس بوستاندىعىنان ايىرمايتىن جازا تاعايىنداۋدى سۇراعان.
سونداي-اق تۋىستارى ايىپپۇل تٶلەۋ ٷشٸن الدىن الا 112 ملن تەڭگە كٶلەمٸندە قاراجات دايىنداعانى بەلگٸلٸ بولدى.
كەلەسٸ سوت وتىرىسى 26 ناۋرىزعا بەلگٸلەنگەن.
