اتالمىش فەستيۆال ترابزون قالاسىندا مامىر ايىنىڭ باس جاعىندا وتەدى. تۇركيا جۇرتشىلىعىنا ماڭعىستاۋلىق ساحنا شەبەرلەرى الەمدىك دراماتۋرگيانىڭ ەڭ ۇزدىك ۇلگىلەرىنىڭ ءبىرى ۋ.شەكسپيردىڭ "گاملەت" تراگەدياسىن ۇسىنباق. بىلتىر جانتوريندىكتەردىڭ بۇل قويىلىمى اقتوبەدە وتكەن رەسپۋبليكالىق تەاترلار بايقاۋىندا كورسەتىلىپ، گاملەت ءرولىن سومداعان تالانتتى اكتەر كەنجەبەك باشاروۆ "ۇزدىك ەر ادام بەينەسى" نوميناسياسى بويىنشا جەڭىمپاز اتانعان بولاتىن.
قازىرگى تاڭدا شىعارماشىلىق ۇجىم قىزۋ دايىندىققا كىرىسىپ كەتتى. قويۋشى رەجيسسەرى تەاتردىڭ باس رەجيسسەرى جانە كوركەمدىك جەتەكشىسى، ق ر ەڭبەك سىڭىرگەن قايراتكەرى گ.مەرعالييەۆا.
جەرلەستەرىمىزدىڭ جەڭىس بيىگىنەن كورىنۋىنە تىلەكتەسپىز!
