ول كىسى بۇگىندە ەلباسىنىڭ ۇلى يدەياسىن جۇزەگە اسىرۋ ءۇشىن تۇركىستاننىڭ جاڭا تاريحىنىڭ ىرگەتاسىن قۇيۋدا. مۇنى ءبىز بۇگىن ايتپاعانىمىزبەن، ەرتەڭ ءبارىبىر ايتىلادى. ءبىراق، ايتپاعىمىز بۇل ەمەس. ايتپاعىمىز...
كەشەگى اپتادا تۇركىستاندا ۇلى وقيعا ورىن الدى دەپ الاۋلاتىپ-جالاۋلاتپاي-اق قويايىق، ءبىراق ادامنىڭ ءىشى ەرەكشە جىليتىن ءبىر وقيعا بولدى. كوزى ءتىرى اقىن-جازۋشىنى كەز كەلگەن اكىم قابىلدايدى عوي، تۇيمەبايەۆ حح عاسىردا قازاق رۋحاني الەمىنىڭ جارقىن وكىلدەرى بولعان تاكەن ءالىمقۇلوۆ پەن اسقار سۇلەيمەنوۆتىڭ وتباسى مۇشەلەرىن قابىلدادى. ناقتىراق ايتقاندا ۇلى تاكەننىڭ زايىبى ەسىمكۇل اپاي مەن ۇلى اسقاردىڭ ۇلى الىشەر سۇلەيمەنوۆ تۇيمەبايەۆتىڭ قابىلداۋىندا بولىپ، بۇگىنگى قازاق ادەبيەتىنىڭ حال كۇيى، تۇركىستاننىڭ بۇگىنى مەن كەلەشەگى تۋرالى كەلەلى ويلارىن ورتاعا سالىستى.
جاسىراتىنى جوق، بۇگىنگىدەي ادەبيەتتەن الىستاپ بارا جاتقان ۋاقىتتا بيلىكتىڭ تاكەن مەن اسقاردى ىزدەۋى كوڭىلگە كادىمگىدەي ءۇمىت ۇيالاتادى. تاكەن ءالىمقۇلوۆ پەن اسقار سۇلەيمەنوۆ رۋحاني اينالىسقا تولىق تۇسكەن كۇنى بۇگىنگى قازاقتىڭ ەستەتيكالىق الەمى ءالى تالاي ۇلتقا ۇلگى بولادى. اكىم تۇيمەبايەۆتىڭ ارەكەتىنەن ءوز باسىم وسى سىردى ۇققانداي بولدىم.
جالپى، ەسىمكۇل ءالىمقۇلوۆا ءبىزدىڭ جۋرناليستەر ءالى اشپاعان كەيىپكەرلەردىڭ ءبىرى. جاڭىلىسپاسام تۇڭعىش رەت 1978 جىلى الدە 1979 جىلى قازاقستان جازۋشىلار وداعىندا، تاكەن ءالىمقۇلوۆتىڭ الپىس جىلدىعىندا كورگەن ەدىم. قاسىندا سول كەزدە بەس جاسار راۋان دەگەن ۇلى بولدى. ۇستىندە مەرەكەلەرگە ارناپ بارىنشا سانمەن تىگىلگەن قارا بارقىت كويلەك... وتە سالتاناتتى كورىنگەن. ارينە، ول كەزدە سويلەگەن جوق.
ەسىمكۇل اپايمەن 2015 جىلى تەلەفوندا تىلدەستىم. مەنىڭ تاكەن ءالىمقۇلوۆ تۋرالى جازعان ءبىر دۇنيەمدى سايتتان وقىعان ەكەن. سوعان بايلانىستى تەلەفونىمدى ىزدەپ ءجۇرىپ تاۋىپ، قوڭىراۋ شالىپتى. ءاربىر اڭگىمەسىنەن ناعىز زيالىنىڭ جارى ەكەندىگى اڭعارىلادى.
مىنە، تۇركىستاندى تۇركىستان قىلاتىن وسىنداي ارەكەتتەر! بۇگىندە ديقان ماقتاسىن اكىمسىز دە ەگەدى، شوپان قوراسىنداعى مالىن ءوزى ءۇشىن قوڭدى قىلۋعا تىرىسادى، قۇرىلىسشى سالعان عيماراتىن ءوزى ءۇشىن ساپالى ەتىپ سالادى. سەبەبى، باسەكەنىڭ زامانى. ال، رۋحانيات وتە نازىك دۇنيە. رۋحانياتتا ءسال نارسەدەن قاتەلەسسەڭىز، ول ۇلتتى رۋحاني اپاتقا اكەلۋى مۇمكىن. سوندىقتان دا بۇگىنگى اكىمدەرگە رۋحانياتتىڭ وتىندە جۇرمەسە بولمايدى. جانسەيىت تۇيمەبايەۆتىڭ الاشتىڭ بالاسىنىڭ كوڭىلىنە ءۇمىت سىيلايتىنى دا سودان شىعار.
اباي بالاجان
فەيسبۋك پاراقشاسىنان
