جانسەيٸت تٷيمەباەۆ: «تٷرٸكتٸڭ تەحنولوگيياسى مەن وزىق تەجٸريبەسٸ بٸز ٷشٸن اسا ماڭىزدى»
ساپارى بارىسىندا ايماق باسشىسى ٸسكەر توپ مٷشەلەرٸمەن بٸرگە تٷركييا ەلٸنٸڭ ىستامبۇل قالاسىندا بولىپ, بٸرقاتار ٶندٸرٸس ورىندارىن ارالاپ, جەتەكشٸ كەسٸپورىن باسشىلارىمەن كەزدەسۋ ٶتكٸزدٸ.
سونىمەن قاتار وبلىس ەكٸمٸ ج.تٷيمەباەۆ باستاعان توپ تٷركييا مەملەكەتٸنٸڭ بۇرىنعى پرەزيدەنتٸ ابدۋللا گٷلمەن كەزدەستٸ. ەڭگٸمە بارىسىندا جانسەيٸت قانسەيٸتۇلى ەكٸ ەل اراسىنداعى باۋىرلاستىق بايلانىستاردى نىعايتۋداعى ەڭبەگٸن جوعارى باعالايتىنىن ايتتى.
بۇدان بٶلەك, دەلەگاتسييا 750 گەكتار اۋماقتا ورنالاسقان «يكيتەللي» يندۋستريالدى ايماعىن ارالاپ كٶرٸپ, ونداعى شاعىن جەنە ورتا 30 مىڭنان استام كەسٸپورىننىڭ سەتتٸ جۇمىسىن كٶزبەن كٶردٸ. يندۋستريالدى ايماقتا 300 مىڭداي جۇمىسشى ەڭبەك ەتەدٸ ەكەن. «يكيتەللي» تٷركيياداعى ەڭ ٷلكەن يندۋستريالدى ايماق. ينۆەستيتسييالىق مٷمكٸندٸكتەرٸ مەن ٶندٸرٸستٸك, ەكسپورتتىق ەلەۋەتٸمەن جەنە جۇمىسپەن قامتۋىمەن بۇل ايماق ەكونوميكانىڭ دامۋىنا ەرەكشە ٷلەس قوسىپ كەلەدٸ. بۇل ايماق زاماناۋي كەشەندەگٸ ٶندٸرٸس جەنە ساۋدا قالاشىعى بولىپ تابىلادى.
باۋىرلاس ەكٸ ەلدٸڭ ٸسكەر توپ ٶكٸلدەرٸ مەن ساراپشى ماماندارى باس قوسقان جيىندا قوس ەلدٸڭ ساۋدا-ەكونوميكالىق ەلەۋەتٸن ارتتىرۋ مەسەلەلەرٸ كەڭٸنەن تالقىلانىپ, ەكٸ جاق ٶزارا تەجٸريبە الماسىپ, ەرٸپتەستٸك بايلانىستارىن نىعايتۋعا ۋاعدالاستى.
باسقوسۋدا وبلىستىڭ ەلەۋمەتتٸك-ەكونوميكالىق احۋالى مەن ينۆەستيتسييالىق مٷمكٸندٸكتەرٸن كەڭٸنەن تانىستىرعان جانسەيٸت تٷيمەباەۆ بٷگٸنگٸ تاڭدا وڭتٷستٸك جەرٸندە يندۋستريالدى-يننوۆاتسييالىق باعدارلاما اياسىندا 1 ارنايى ەكونوميكالىق جەنە 11 يندۋستريالدى ايماق جۇمىس ٸستەپ جاتقانىن مەلٸم ەتتٸ.
– بٸزدە يندۋستريالدى ايماق ٶڭٸردەگٸ بارلىق اۋداندا قۇرىلعان. وندا شەتەلدٸك ينۆەستورلار ٷشٸن بارلىق جاعداي قاراستىرىلعان. بٸز ٷشٸن ٶندٸرٸس سالاسىندا تٷرٸكتٸڭ وزىق تەحنولوگيياسى مەن مامانداردىڭ بٸلٸكتٸلٸگٸن ارتتىرۋ باعىتىنداعى ٸس-تەجٸريبەسٸ اسا ماڭىزدى, – دەدٸ وبلىس ەكٸمٸ.
ٶز كەزەگٸندە تٷركييالىق كەسٸپكەرلەر قازاقستاننىڭ جٷرگٸزٸپ وتىرعان ينۆەستيتسييالىق ساياساتىن وڭ باعالاپ, ەكٸجاقتى قارىم-قاتىناستى ارتتىرۋ قاجەتتٸگٸنە نازار اۋداردى.
– بٸزدٸڭ ٶندٸرٸستٸك ايماقتا ورىن تەپكەن بٸرقاتار كەسٸپورىن باسشىلارىمەن بٸرٸگٸپ, الداعى شٸلدە ايىندا قازاقستانعا جۇمىس ساپارمەن بارۋدى جوسپارلاپ وتىرمىز. ونىڭ اياسىندا قازاقستاندىق كەسٸپكەرلەرمەن كەزدەسٸپ, ٶزارا ٸسكەرلٸك بايلانىستاردى تەرەڭدەتپەكپٸز. تٷركييا مەن قازاقستاننىڭ ساۋدا-ەكونوميكالىق ەلەۋەتٸ ٶتە زور. بۇل مٷمكٸندٸكتەردٸ قوس ەلدٸڭ ٸسكەر توپ ٶكٸلدەرٸ تيٸمدٸ پايدالانۋى تيٸس دەپ ەسەپتەيمٸن, – دەيدٸ تٷركيياداعى «ەسكوپ» ٶندٸرٸستٸك ايماعىنىڭ تٶراعاسى يۋسۋف اقگيۋن.
تٷركييا قازاقستاننىڭ ساياسي جەنە ەكونوميكالىق تۇرعىداعى ەڭ جاقىن جەنە سەنٸمدٸ سەرٸكتەسٸنە اينالعانىن ايتقان «باس تەكستيل» جشس ديرەكتورى تالعات ىسقاقوۆ توقىما ٶنەركەسٸبٸ جولعا قويىلعان تٷركييا ەلٸنەن ٷيرەنەرٸمٸز كٶپ ەكەنٸن جەنە وسى ساپاردىڭ جەمٸستٸ بولارىنا سەنٸم بٸلدٸردٸ.
جالپى وڭتٷسٸك قازاقستان – ينۆەستورلار ٷشٸن تارتىمدى ٶڭٸر. مەسەلەن مۇندا ەلٸمٸز بويىنشا جالعىز «قازاق-تٷرٸك» يندۋستريالدى ايماعى جۇمىس ٸستەيدٸ. بٷگٸندە اتالعان ايماقتا باۋىرلاس ەلمەن بٸرلەسكەن قۇنى 25 ملرد. تەڭگەنٸ قۇرايتىن 6 ينۆەستيتسييالىق جوبا جٷزەگە اسۋدا. نەتيجەسٸندە 900 جاڭا جۇمىس ورنى اشىلادى دەپ كٷتٸلۋدە. اتالعان جوبالار كەزەڭ-كەزەڭٸمەن 2020 جىلعا دەيٸن ٸسكە قوسىلاتىن بولادى.
قازاقستان مەن تٷركييا ەلدەرٸنٸڭ اراسىنداعى تاۋار اينالىم بٷگٸندە 2 ملرد اقش دوللار شاماسىندا بولسا, الداعى ۋاقىتتا بۇل كٶرسەتكٸشتٸ 5 ملرد دوللارعا جەتكٸزۋ كٶزدەلگەن. بۇل جٶنٸندە ديپلوماتييالىق بايلانىستىڭ 25 جىلدىعى اياسىندا قوس مەملەكەتتٸڭ كٶشباسشىلارى ٶتكەن جىلى استانا قالاسىندا بولعان كەزدەسۋدە ايتقان بولاتىن.
تٷركييا نەگٸزٸنەن قازاقستانعا تەكستيل, تاماق ٶنەركەسٸبٸ مەن قۇرال-سايماندار يمپورتتاسا, ولار قازاقستاننىڭ مۇنايى مەن مەتالدارىنا, حيمييا ٶنەركەسٸبٸ ٶنٸمدەرٸنە ەرەكشە قىزىعۋشىلىق تانىتىپ وتىر.
https://dalanews.kz/35345
