بۇل كٷنٸ ەسكەري وركەسترمەن 500 جاۋىنگەر «ورداباسى» الاڭىنان «ورتالىق» ساياباققا دەيٸن سالتاناتتى مارشپەن جٷرٸپ ٶتٸپ, ساپ تٷزەدٸ.
مەرەكەلٸك جيىنعا قاتىسقان وبلىس ەكٸمٸ جانسەيٸت تٷيمەباەۆ بارشا وڭتٷستٸك جۇرتى مەن جاۋىنگەرلەردٸ وتان قورعاۋشىلار كٷنٸمەن جەنە قازاقستان رەسپۋبليكاسى قارۋلى كٷشتەرٸنە – 25 جىل تولۋىمەن قۇتتىقتادى.
«بٷگٸندە ەلباسىنىڭ, قازاقستان قارۋلى كٷشتەرٸنٸڭ باس قولباسشىسى نۇرسۇلتان نازارباەۆتىڭ ستراتەگييالىق كٶرەگەندٸگٸنٸڭ ارقاسىندا قازاقستان ارميياسىنىڭ جاڭا كەلبەتٸ, وتانشىل رۋحى قالىپتاستى. قارۋلى كٷشتەر مەملەكەتٸمٸزدٸڭ تۇراقتى كەپٸلٸنە اينالدى. سوندىقتان بۇل كٷن – وتاندى قادٸرلەيتٸن, ونىڭ تاريحىن قۇرمەتتەيتٸن, ايبىندى ەسكەرٸمٸزدٸڭ اتاعىن اسقاقتاتقان, مەملەكەتٸمٸزدٸڭ قۋاتىن ايعاقتايتىن كٷن», – دەدٸ ەكٸم.
مۇنان سوڭ, ٶڭٸر باسشىسى ەلدٸڭ قورعانىس قابٸلەتٸن كٷشەيتۋگە, ۇلتتىق قاۋٸپسٸزدٸكتٸ قامتاماسىز ەتۋگە, ازاماتتاردىڭ مٷددەلەرٸ مەن قۇقىقتارىن, زاڭدىلىقتى قورعاۋعا ٷلەس قوسقان 17 ازاماتتى قازاقستان رەسپۋبليكاسىنىڭ «قۇرمەت» وردەنٸمەن, قر مەملەكەتتٸك ناگراداسى «ەرلٸگٸ ٷشٸن» مەدالٸمەن جەنە «وبلىسقا سٸڭٸرگەن ەڭبەگٸ ٷشٸن» بەلگٸسٸمەن, وقو ەكٸمٸنٸڭ گراموتاسى مەن الىس حاتىمەن ماراپاتتادى. سونىمەن قاتار, 10 ازامات قر قورعانىس مينيسترٸنٸڭ «مٸنسٸز قىزمەت ٷشٸن» مەدالٸمەن ناگرادتالدى.
كونتسەرتتٸك باعدارلامامەن جالعاسىن تاپقان مەرەكەلٸك شارادا «مەڭگٸلٸك ەل تۇعىرى - قۋاتتى ارمييا» - تەاترلاندىرىلعان كٶرٸنٸسٸ قويىلىپ, پاتريوتتىق ەندەر شىرقالدى. سونىمەن قاتار, مەرەكەلٸك باسقوسۋدا وڭتٷستٸكقازاقستاندىقتار تٸكەلەي ترانسلياتسييا ارقىلى استانا قالاسىندا ٶتكەن قر قارۋلى كٷشتەرٸنٸڭ 25 جىلدىعىنا ارنالعان ەسكەري پارادتى تاماشالادى.
ايتا كەتەيٸك, ەلوردانىڭ قازاق ەلٸ الاڭىندا ٶتكەن شەرۋدە 5000-نان استام ەسكەري قىزمەتشٸلەر سالتاناتتى مارشپەن جٷرٸپ ٶتسە, 300-گە جۋىق ەسكەري تەحنيكا مەن زاماناۋي قارۋ-جاراق تٷرلەرٸ جۇرتشىلىق نازارىنا ۇسىنىلدى. ال 70-كە جۋىق ەۋە تەحنيكاسى قازاقستاننىڭ اۆياتسييالىق ەلەۋەتٸ مەن جاۋىنگەرلٸك ەزٸرلٸگٸن پاش ەتتٸ.
ەسكە سالساق, بيىل قازاقستاننىڭ قارۋلى كٷشتەرٸنٸڭ قۇرىلعانىنا 25 جىل. ۋاقىت تالابىنا ساي ەسكەرٸمٸز جاڭارىپ, ونىڭ كٷش-قۋاتى جىلدان-جىلعا نىعايىپ كەلەدٸ. بٸزدٸڭ ٶڭٸر – ەلٸمٸزدٸڭ وڭتٷستٸك قاقپاسى. ٶڭٸرٸمٸزدە شىمكەنت گورنيزونىنا قاراستى 10 ەسكەري قۇرىلىمدىق بٶلٸمدەر وڭتٷستٸك شەكاراسىنىڭ تۇتاستىعى مەن تىنىشتىعىن ساقتاۋدا قىزمەت ەتۋدە.
