«بۇگىنگى داستارحان باسىندا «سوعىس ارداگەرلەرى»، «ەڭبەك ارداگەرلەرى»، «باتىر انالار» سىندى ايرىقشا قۇرمەتكە يە الدىڭعى بۋىن اعا-اپالار وتىر. سىزدەر، بۇكىل عۇمىرلارىڭىزدى ەلىمىزدىڭ ءوسىپ، وركەندەۋىنە – بولاشاق جاستارىمىزدىڭ جاقسى جاعدايدا جەتىلۋىنە باعىشتادىڭىزدار. سوندىقتان، وسىنداي ەمدەۋ-ساۋىقتىرۋ ورتالىعىنا كەلىپ، ەم-دوم الىپ تۇرۋعا ابدەن لايىقتىسىزدار. مۇندا ەمدەلۋشى ەكى ادامعا ءبىر قىزمەتكەردەن بولىنگەن. ودان بولەك، ارداگەرلەرىمىز ءۇشىن ءتۇرلى ەمدىك پروسەدۋرالاردى ۇسىنعان كابينەتتەر جەتكىلىكتى. ەلباسىنىڭ ەلىمىزدىڭ الەۋمەتتىك سالالارى – دەنساۋلىق ساقتاۋ مەن ءبىلىم بەرۋ سالالارىنا ايرىقشا كوڭىل ءبولىپ وتىرعانىن بىلەسىزدەر. دەمەك، مەملەكەتىمىزدىڭ وسىنداي قامقورلىعى ودان ارمەن دە جالعاسىن تابا بەرەتىنىنە سەنىمىم كامىل»، - دەدى وبلىس باسشىسى.
وقو جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنا باعىنىستى «ارداگەرلەر ءۇيى» كوممۋنالدىق مەملەكەتتىك مەكەمەسىندە بۇگىندە 175 ارداگەر – تىل ەڭبەككەرلەرى مەن زەينەتكەرلەر، باتىر انالار مەن مۇگەدەكتەر، سونداي-اق، اۋعان سوعىسىنىڭ ارداگەرلەرى ەمدىك-ساۋىقتىرۋ شارالارىنان وتۋدە.
ءاربىر ون بەس كۇندە 200 ارداگەردى قابىلدايتىن ەمدەۋ-ساۋىقتىرۋ ورتالىعىندا جىلىنا 4 مىڭ ۇوس ارداگەرلەرى مەن سولارعا تەڭەستىرىلگەندەر، «حالىق قاھارمانى» اتاعىن يەلەنگەندەر، ءىىى دارەجەلى ەڭبەك داڭقى وردەنىمەن ماراپاتتالعاندار، «التىن القا»، «كۇمىس القامەن» ناگرادتالعاندار جانە جاسىنا، مۇگەدەكتىگىنە بايلانىستى زەينەتكەرلەر ەمدەلەدى.
وقو اكىمىنىڭ باسپا ءسوز قىزمەتى
