ءىس-شارا بارىسىندا ءوڭىر باسشىسى ايەلدەرگە قامقورلىق جاساۋ، كوپ بالالى انالارعا الەۋمەتتىك قولداۋ كورسەتۋ قاشاندا ەلباسىمىزدىڭ نازارىنان تىس قالماعانىن جەتكىزدى.
«سىزدەردى، كوكتەمنىڭ العاشقى مەرەكەسى 8 ناۋرىز حالىقارالىق ايەلدەر كۇنى مەيرامىمەن شىن جۇرەكتەن قۇتتىقتايمىن! كوكتەم مەرەكەسى كوڭىلدەرىڭىزگە قۋانىش سىيلاپ، جۇزدەرىڭىزگە نۇر شاشسىن. بۇگىندە ءوڭىر تۇرعىندارىنىڭ 1 ملن. 446 مىڭى نازىك جاندىلار قۇرايدى. بۇل دەگەنىمىز ەلىمىزدەگى بۇرىمدىلاردىڭ ەڭ كوبى ءبىزدىڭ وبلىستا دەگەندى بىلدىرەدى. ولاردىڭ اراسىندا اقىنى دا، جازۋشىسى دا، عالىمى دا، ءتىپتى ءۇيدىڭ دە، ءتۇزدىڭ دە جۇمىسىن قاتار الىپ جۇرگەن كاسىپكەر دە بار. ايماقتىڭ ەكونوميكالىق دامۋىنا قاراكوز ارۋلارىمىزدىڭ قوسىپ كەلە جاتقان ۇلەسى وراسان زور دەپ بىلەمىن»، – دەدى جانسەيىت قانسەيىت ۇلى.
1965 جىلى نەگىزى قالانعان №5 ارناۋلى الەۋمەتتىك قىزمەتتەر كورسەتۋ ورتالىعىندا 77 ايەل ازاماتى قىزمەت الۋدا. 260 ورىنعا شاقتالعان مەكەمەدە ەگدە جاسىنا بايلانىستى وزىنە قىزمەت كورسەتۋگە قابىلەتسىز جالعىزباستى قارتتار مەن ءبىرىنشى جانە ەكىنشى توپتاعى مۇگەدەكتەرگە ارناۋلى الەۋمەتتىك قىزمەتتەردىڭ كەپىلدەندىرىلگەن 8 ءتۇرى كورسەتىلەدى.
ايتا كەتەيىك، وبلىس بويىنشا 8 مىڭنان استام ازامات ارناۋلى الەۋمەتتىك قىزمەتتەرمەن قامتىلسا، ونىڭ 2 مىڭنان استامى جالعىزىلىكتى قارتتار. بۇگىندە جالدعىزباستى قارتتاردىڭ 121ء-ى وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنا قاراستى «№5 ارناۋلى الەۋمەتتىك قىزمەتتەر ورتالىعىندا» تولىق مەملەكەت قامقورلىعىنا الىنىپ، كەشەندى قىزمەتتەرمەن قامتىلۋدا.
سونداي-اق، وبلىس اكىمىنىڭ ورىنباسارى ە.سادىر وبلىستىق ارداگەرلەر ۇيىندە بولىپ، ءوڭىر باسشىسىنىڭ اتىنان اق جاۋلىقتى انالاردى ايتۋلى مەرەكەمەن قۇتتىقتادى.
وقو اكىمىنىڭ باسپا ءسوز قىزمەتى
