بۇگىن قازاقستان-وزبەكستان بيزنەس-فورۋمى اياسىندا وڭتۇستىك قازاقستان وبلىسىنىڭ اكىمى جانسەيىت تۇيمەبايەۆ وزبەكستان رەسپۋبليكاسىنىڭ ساۋدا-ونەركاسىپ پالاتاسىنىڭ ءتوراعاسى ادحام يكراموۆ پەن سىرتقى ساۋدا ءمينيسترىنىڭ ورىنباسارى سوحيب سايفنازاروۆ باستاعان دەلەگاسيانى قابىلدادى.

قاسيەتتى رامازان ايىندا  العاشقى بىرلەسكەن ىسكەرلىك كەڭەستىڭ ءبىرىنشى كەزدەسۋى مەن بيزنەس-فورۋمنىڭ وڭتۇستىك جەرىندە وتكىزىلىپ جاتقانىنا قۋانىشتى ەكەنىن جەتكىزگەن وبلىس اكىمى ءوزارا ىس-ارەكەتتەر جاقىن بولاشاقتا ءوز ناتيجەسىن بەرەرىنە سەنىم ءبىلدىردى.

«ءبىزدىڭ وبلىس وزبەكستانمەن شەكارالاس، بۇل ايماق ءۇشىن دە بۇكىل ەل ءۇشىن دە وتە ماڭىزدى فاكتور بولىپ تابىلادى.

 بۇل ءوز كەزىندە ەكونوميكانىڭ بارلىق سالالارىندا ەكى جاقتى قاتىناستاردى دامىتۋعا ۇلكەن مۇمكىندىكتەر بەرەدى.

وزدەرىڭىز بىلەتىندەي، قازاقستان مەن وزبەكستان مەملەكەت باسشىلارى 2018 جىلدى قازاقستانداعى وزبەكستان جىلى دەپ جاريالادى. بۇگىندە ءبىزدىڭ ايماق پەن وزبەكستان اراسىندا شەكارالىق ىنتىماقتاستىق دامىپ كەلەدى.

2017 جىلدىڭ 15-16 قىركۇيەگىندە تاشكەنتتە قازاقستان-وزبەكستان بيزنەس-فورۋمى ءوتتى. اتالعان جيىنعا وڭتۇستىك قازاقستان وبلىسىنان 150-دەن استام مەملەكەتتىك جانە جەكە ۇيىمدار قاتىستى. فورۋم بارىسىندا وڭتۇستىك قازاقستان وبلىسىنىڭ اكىمدىگى مەن تاشكەنت، سىرداريا جانە دجيزاك وبلىسى اكىمدەرىنىڭ اراسىندا ساۋدا-ەكونوميكالىق جانە مادەني-گۋمانيتارلىق سالالارىندا ءوزارا تۇسىنىستىك تۋرالى مەموراندۋمعا قول قويىلعان بولاتىن»،-دەدى ايماق باسشىسى.

وزبەك دەلەگاسياسىمەن بولعان ەكىجاقتى كەزدەسۋدە ساۋدا-ەكونوميكالىق قارىم-قاتىناستى ودان ءارى دامىتىپ، تاۋار اينالىمدى ارتتىرۋعا باعىتتالعان بىرلەسكەن جۇيەلى جۇمىستاردى اتقارۋ جايى ءسوز بولدى.

ءوز كەزىندە مارتەبەلى مەيمان ادحاميكراموۆ ەكى ەلدىڭ عاسىردان بەرى جالعاسقان دوستىق قارىم-قاتىناسى ودان ءارى  جاندانا تۇسەتىنىن ايتىپ، بۇگىنگى ءوتىپ جاتقان ىسكەرلىك جيىندا وقو كاسىپكەرلەرى مەن وزبەكستاندىق بيزنەسمەندەر اراسىندا ساۋدا-ەكونوميكالىق بايلانىس نىعايا تۇسەتىنىنە سەنىمدى ەكەنىن جەتكىزدى.

وزبەكستان - ورتالىق ازياداعى قازاقستاننىڭ ءىرى ساۋدا سەرىكتەسى. 2018 جىلدىڭ ءبىرىنشى توقسانىندا ەلدەر اراسىنداعى سىرتقى ساۋدا اينالىم وتكەن جىلدىڭ سايكەس كەزەڭىمەن سالىستىرعاندا 50 پايىزعا ارتقان. ال جىل سوڭىنا دەيىن ەكىجاقتى ساۋدانىڭ كولەمىن 3 ميلليارد اقش دوللارىنا دەيىن ارتتىرۋ جوسپارلانۋدا.

ءسوز سوڭىندا وبلىس اكىمى وزبەك كومپانيالارىنىڭ وڭتۇستىك وڭىرىندە بيزنەستى دامىتۋ بويىنشا باستامالارىنا تولىق قولداۋ كورسەتۋگە ءازىر ەكەندىگىن ايتتى.

ايتا كەتەيىك، 11-12 مامىر كۇندەرى شىمكەنت قالاسىندا «وڭتۇستىك قازاقستان-وزبەكستان» توقىما ونەركاسىبى ونىمدەرىنىڭ بىرلەسكەن كورمەسى وتكەن بولاتىن. كورمەگە توقىما، كيىم جانە تەرىدەن جاسالعان ونىمدەر، فارماسيەۆتيكا، جيھاز، سۋۆەنيرلەر، سپورتتىق تاۋارلار مەن ويىنشىقتار وندىرەتىن وڭتۇستىكقازاقستاندىق جانە وزبەكستاندىق 60-قا جۋىق كاسىپورىندار قاتىسقان.